କମୁଛି ପାରଦ ବଢୁଛି ଶୀତ

ସାରା ରାଜ୍ୟରେ ବଢୁଛି ଶୀତ । ଦିନକୁ ଦିନ କମୁଛି ପାରଦ । ପାରଦ ୨ରୁ ୩ ଡିଗ୍ରୀ ସେଲସିୟସ କମିବା ଫଳରେ ରାଜ୍ୟର ବିଭିନ୍ନ ଜିଲ୍ଲାରେ ବଢିଚାଲିଛି ଶୀତର ପ୍ରକୋପ । ଉତ୍ତର ଏବଂ ଉତ୍ତର-ପଶ୍ଚିମ ଦିଗରୁ ରାଜ୍ୟ ମଧ୍ୟକୁ ପ୍ରବେଶ କରୁଥିବା ଥଣ୍ଡା ବାୟୁ ପ୍ରଭାବରେ ବିଭନ୍ନ ସ୍ଥାନରେ ପାରଦ ୨ରୁ ୩ ଡିଗ୍ରୀ ସେଲସିୟସ୍ ଯାଏଁ ତଳକୁ ଖସିଛି । ଫଳରେ ରାଜ୍ୟରେ ବିଭିନ୍ନ ସ୍ଥାନରେ ଆଜିଠାରୁ ଅଧିକ ଶୀତ ଅନୁଭୂତ ହେବ । ବିଶେଷ କରି ପାହାଡିଆ କୋରାପୁଟ, ଜି. ଉଦୟଗିରି ଆଦି ଅଞ୍ଚଳରେ ଅଧିକ ଥଣ୍ଡା ହୋଇପାରେ । ସେପଟେ ଆସନ୍ତା ୧୪ ତାରିଖ ପଯ୍ୟନ୍ତ ରାଜ୍ୟରେ ପାଗ ଶୁଖିଲା ରହିବ ବୋଲି ସୂଚନା ମିଳିଛି ।