By ଜବରଦଖଲକାରୀଙ୍କ କବ୍ଜାରେ ଗାଁର ଶ୍ମଶାନ ଜମି । ଶ୍ମଶାନରେ ଶବ ଦାହା କଲେ ବିରୋଧ କରୁଛନ୍ତି ଜବରଦଖଲକାରୀ । ଗାଁ ଲୋକଙ୍କ ଅଭିଯୋଗ ପରେ ମଧ୍ୟ ଶ୍ମଶାନ ଜମି ଛାଡୁ ନାହାନ୍ତି ଜବରଦଖଲକାରୀ । ବାରମ୍ବାର ଅଭିଯୋଗ ପରେ ମଧ୍ୟ କୌଣସି କାର୍ଯ୍ୟନୁଷ୍ଠାନ ନେଉନି ସ୍ଥାନୀୟ ପ୍ରସାଶନ । ଗାଁରେ ଥିବା ୧୦ ହଜାର ୪୮୦ ଡିସିମିଲି ଶ୍ମଶାନ ଜମିକୁ କବ୍ଜା କରିଛନ୍ତି ଗାଁର ୧୫ ପରିବାର । ଯାହାକୁ ନେଇ ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ପଥରା କଣ୍ଡରା ସାହିରେ ଉତେଜନା ଦେଖିବାକୁ ମିଳିଛି । ତାହା ସହ ଶ୍ମଶାନ ଆଗରେ ଗାଁର ମହିଳା ଓ ପୁରୁଷ ବିକ୍ଷୋଭ ପ୍ରଦର୍ଶନ କରିଛନ୍ତି । କାରଣ ଶ୍ମଶାନ ଜମିକୁ ଜବରଦଖଲ କରି ସଙ୍କୁଚିତ କରୁଥିବାରୁ ଏବେ ଶବ ଦାହା ପାଇଁ ଅଡୁଆ ହୋଇଛି । ବେଳେ ବେଳେ ଶବ ଦାହା ବେଳେ ଜବର ଦଖଲକାରୀ ଶ୍ମଶାନରେ ଶବ ଦାହାକୁ ବିରୋଧ କରିବା ସହ ଶ୍ମଶାନକୁ ଅନ୍ୟତ୍ର ସ୍ଥାନାନ୍ତର କରିବା ପାଇଁ ଧମକ ଦେଉଛନ୍ତି । ତେବେ ଏହି ଗାଁରେ ପୂର୍ବା ପୁରୁଷରୁ ଏହି ଜଗାକୁ ଶ୍ମଶାନ ଭାବେ ବ୍ୟବହାର କରି ଆସୁଥିବା ବେଳେ ଗତ ୧୯୮୮ ,୧୯୯୫ ଓ ୨୦୧୬ ଏହାର ମାପଚୁପ ସମୟରେ ଏହାର ଆୟତନ ଠିକ ରହିଥିଲା । କିନ୍ତୁ ବର୍ତମାନ ଏହାକୁ ଜବରଦଖଲକାରୀ କବ୍ଚା କରିଥିବାରୁ ଏହାର ଆୟତନ ସଙ୍କୁଚିତ ହୋଇ ରହିଛି । ତେଣୁ ଗାଁଲୋକ ଦାବି କରିଛନ୍ତି ଜବରଦଖଲକାରୀକୁ ହଟାଇ ଶ୍ମଶାନ ଜମିକୁ ପୁନଃର ଉଦ୍ଧାର କରାଯାଉ ।
ପୂର୍ବରୁ ଏନେଇ ଗ୍ରାମବାସୀ ବାରମ୍ବାର ଅଭିଯୋଗ ସତ୍ୱ ପ୍ରଶାସନ ତରଫରୁ କୌଣସି କାର୍ଯ୍ୟନୁଷ୍ଠାନ ହୋଇନଥିବା ବେଳେ ବର୍ତମାନ ଲୋକ ଏକତ୍ରିତ ହୋଇ ବିରୋଧ କରିବା ପରେ ଖଲ୍ଲିକୋଟ ଥାନା ଭେଜିପୁଟ ଫାଣ୍ଡି ପୋଲିସ ଓ ଭେଜିପୁଟ ରାଜସ୍ୱ ନିରକ୍ଷକ ପହଂଚି ଏହାର ତଦନ୍ତ କରିଛନ୍ତି । ତେବେ ଶ୍ମଶାନ ଜମି ସଙ୍କୁଚିତ ହେବେ ଫଳରେ ଶ୍ମଶାନରେ ଶବ ଦାହା ବେଳେ ଗାଁ ଲୋକ ନାହିଁ ନଥିବା ଅସୁବିଧାର ସାମ୍ନା ହେଉଥିବା କହିଛନ୍ତି । କାରଣ ଜବରଦଖଲକରୀଙ୍କ ଯୋଗୁଁ ରାସ୍ତା କଡରେ ଶବ ଦାହା କରିବାକୁ ପଡୁଛି । ଯାହା ଫଳରେ ଶବ ଦାହା ସମୟରେ ଉଡୁଥିବା ପାଉଁଶ ରାସ୍ତା କଡରେ ଘରେ ପଡୁଥିବା କହିଛନ୍ତି । ତେବେ ସରକାର ଏହା ଉପରେ ଦୃଷ୍ଟି ଦେଇ ଜବର ଦଖଲକାରୀଙ୍କୁ ହଟାଇବା ପାଇଁ ଦାବି କରିଛନ୍ତି ଗ୍ରାମବାସୀ ।ବର୍ତ୍ତମାନ ଦେଖିବାକୁ ବାକି ରହିଲା ଏହି ପଥରା ପଞ୍ଚାୟତ ର କଣ୍ଡରା ସାହି ରେ ଥିବା ଶ୍ମଶାନ କୁ ଜବରଦଖଲ କରୀଙ୍କ କବଳରୁ କେବେ ଉଦ୍ଧାର କରାଯାଉଛି ଓ କେବେ ସ୍ଥାନୀୟ ବାସିନ୍ଦା ଫେରି ପାଇବେ ସେମାନଙ୍କ ଶ୍ମଶାନ ଜମି |
