By ପାନୀୟ ଜଳ ସମସ୍ୟାର ସ୍ଥାୟୀ ସମାଧାନ ପାଇଁ ଆଜି ଭୀମ ଆର୍ମି ସହ ଯୋଗରେ ଘଷିପୁରା ବ୍ଲକ୍ ଘେରାଉ କଲେ ବାତୋ ପଞ୍ଚାୟତ ଅଞ୍ଚଳର ଶତାଧିକ ମହିଳା । ଚାଲିଚାଲି ବ୍ଲକ୍ ପ୍ରଶାସନ ବିରୋଧରେ ଶ୍ଳୋଗାନ ଦେବାସହ ବ୍ଲକ୍ କାର୍ଯାଳୟ ଠାରେ ପହଁଞ୍ଚି ବିଡିଓ ଙ୍କୁ ଘେରିଥିଲେ ମହିଳା l ଅଭିଯୋଗ ଅନୁଯାୟୀ ଆନନ୍ଦପୁର ଉପଖଣ୍ଡ ଘଷିପୁରା ବ୍ଲକ୍ ବାତୋ ପଞ୍ଚାୟତ ଅଞ୍ଚଳରେ ଲୋକେ ପାଇପ୍ ଲଇନ୍ ରେ ମଟର ଲଗାଇ ପାଣି ଟାଣି ନେଉଥିବାରୁ ଗାଁ ଅନ୍ଯମାନେ ପାଣି ପାଇବାରୁ ବଞ୍ଚିତ ରହୁଛନ୍ତି | ପଞ୍ଚାୟତ ଅଧିନ ଜେନା ସାହୀ, କୁମ୍ଭାର ସାହି ଓ ଦେହୁରୀ ସାହି ରେ ଦିର୍ଘ ଆଠମାସ ହେବ ଏଭଳି ସମସ୍ଯା ଲାଗି ରହିଛି | ଫଳରେ ମହିଳମାନେ ବାଧ୍ଯ ହୋଇ ନଦୀ କୂଳରେ ଚୁଆ ଖୋଳି ସେଠାକାର ପାଣି ବ୍ଯାବହାର କରୁଛନ୍ତି | ଗ୍ରାମ୍ଯ ଜଳଯୋଗାଣ ବିଭାଗର ଠାରୁ ଆରମ୍ଭ କରି ବ୍ଲକ୍ ପ୍ରଶାସନକୁ ଏନେଇ ବାରମ୍ବାର ଅଭିଯୋଗ କଲେ ମଧ୍ଯ ଆଜି ପର୍ଯ୍ୟନ୍ତ ସମସ୍ଯାର ସମାଧାନ ହୋଇନାହିଁ | ତୁରନ୍ତ ସମସ୍ଯାର ସମାଧାନ ଦାବି କରିଛନ୍ତି ଆନ୍ଦୋଳନକାରୀ ମହିଳା ମାନେ | ତେବେ ଏସମ୍ପର୍କରେ ପୂର୍ବରୁ ଅଭିଯୋଗ ପାଇଥିବା କହିବାସହ ଗ୍ରାମ୍ଯଜଳ ଯୋଗାଣ ବିଭାଗ ସହ ଆଲୋଚନା ପରେ ଖୁବ୍ ଶୀଘ୍ର ପାଣି ସମସ୍ଯାର ସମାଧାନ ପାଇଁ ପ୍ରତିଶ୍ରୁତି ଦେଇଛନ୍ତି ଘସିପୁରା ବିଡିଓ|
