By ବଜାରରେ ଆଉ କାରବାର କରିହେବ ନାହିଁ ୨୦୦୦ ଟଙ୍କିଆ ନୋଟ ବଜାରରେ ଥିବା ସମସ୍ତ ୨୦୦୦ ଟଙ୍କିଆ ନୋଟ ଫେରାଇ ନେବାକୁ ବଡ ନିଷ୍ପତି ନେଇଛି RBI | ତେବେ ଯେଉଁମାନେ ପାଖରେ ୨୦୦୦ ଟଙ୍କିଆ ନୋଟ ଅଛି ସେମାନେ ଆସନ୍ତା ମେ’ ୨୩ ତାରିଖରୁ ସେପ୍ଟେମ୍ବର ୩୦ ତାରିଖ ମଧ୍ୟରେ ବ୍ୟାଙ୍କରେ ବଦଳାଇପାରିବେ | କିନ୍ତୁ RBI ର ନିଷ୍ପତ୍ତି ଅନୁସାରେ ଜଣେ ବ୍ୟକ୍ତି ଥରକେ ୨୦୦୦୦ ଟଙ୍କା ପର୍ଯ୍ୟନ୍ତ ୨୦୦୦ ଟଙ୍କିଆ ନୋଟ କୁ ବଦଳାଇ ପାରିବେ | ଏପରିକି ଗ୍ରାହକଙ୍କୁ ୨୦୦୦ ଟଙ୍କିଆ ନୋଟ ନ ଦେବାକୁ ବ୍ୟାଙ୍କ ଗୁଡିକୁ ନିର୍ଦ୍ଦେଶ ଦେଇଛି ଭାରତ ରିଜର୍ଭ ବ୍ୟାଙ୍କ କିନ୍ତୁ ୨ଟଙ୍କିଆ ନୋଟର ଲିଗାଲ ଟେଣ୍ଡର ବଳବତ୍ତରେ ରହିବ | ଭାରତର ରିଜର୍ଭ ବ୍ୟାଙ୍କର ଏଇ ନିଷ୍ପତ୍ତି ପରେ ଯେଉଁମାନଙ୍କ ପାଖରେ ୨୦୦୦ ଟଙ୍କା ରହିଛି ସେମାନେ କ’ଣ କରିବେ | ୨୦୨୩ ମେ’ ୨୩ ରୁ ସେପ୍ଟେମ୍ବର ୩୦ ଭିତରେ ଆପଣ ଆପଣଙ୍କ ନୋଟ ଗୁଡିକୁ ବଦଳାଇ ପାରିବେ |
ବ୍ୟାଙ୍କର ଶାଖା ଏବଂ ଭାରତୀୟ ରିଜର୍ଭ ବ୍ୟାଙ୍କର ୧୯ଟି ଆଞ୍ଚଳିକ କାର୍ଯ୍ୟାଳୟରେ ଏହି ସୁବିଧା ମିଳିବ ଆପଣ ସେଠିକୁ ଯାଇ ଆପଣଙ୍କର ୨୦୦୦ ଟଙ୍କିଆ ନୋଟକୁ ବଦଳାଇପାରିବେ | ତେବେ ଆପଣ ଗୋଟେ ଥରକେ ୨୦ ହଜାର ଟଙ୍କାର ୨ ହଜାର ଟଙ୍କିଆ ନୋଟ ବଦଳାଇପାରିବେ | ଦିନକୁ ୪ ହଜାର ଟଙ୍କା ପର୍ଯ୍ୟନ୍ତ ୨ ହଜାର ଟଙ୍କିଆ ବିଜନେସ କରେସ୍ପେଣ୍ଡେଣ୍ଟ ପାଖରେ ବଦଳାଇ ହେବ | ଲୋକମାନେ ଯେକୌଣସି ବ୍ୟାଙ୍କ ଶାଖାରେ ୨ ହଜାର ଟଙ୍କିଆ ନୋଟ ବଦଳାଇପାରିବେ | ତେଣୁ କରି ଆପଣ ତାନିକ ହେବାର ବା ଭୟଭୀତ ହେବାର ଆବଶ୍ୟକତା ନାହିଁ | ନିଜ ପାଖରେ ରହିଥିବା ୨୦୦୦ ଟଙ୍କିଆ ନୋଟକୁ ବ୍ୟାଙ୍କ ଖାତାରେ ମଧ୍ୟ ଆପଣ ଜମା କରିପାରିବେ | ନଚେତ ୨୦୦୦ ଟଙ୍କିଆ ନୋଟ ବଦଳାଇ ଆପଣ ତାର ବିକଳ୍ପରେ ଅନ୍ୟ ଟଙ୍କା ମଧ୍ୟ ଆଣିପାରିବେ | ୨ହଜାର ଟଙ୍କିଆ ନୋଟ ବ୍ୟାଙ୍କରେ ସମ୍ପୂର୍ଣ ମାଗଣାରେ ବଦଳାଇ ହେବ | ତେବେ ନୋଟ ବଦଳାଇବା ପାଇଁ ବରିଷ୍ଠ ନାଗରିକ ଓ ଦିବ୍ୟାଙ୍ଗ ମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ତା କରାଯିବ | ନୋଟ ବଦଳାଇବା ପାଇଁ ବ୍ୟାଙ୍କ କର୍ମଚାରୀ ମନାକଲେ ଆପଣ ବ୍ୟାଙ୍କ କର୍ତ୍ତୃପକ୍ଷଙ୍କୁ ଜଣାଇପାରିବେ |
