By କଣ ଆପଣ ବିନା ଖର୍ଚ୍ଚରେ ନିଜ ଚେହେରାରେ ପ୍ରାକୃତିକ ଚମକ ଚାହୁଁଛନ୍ତି କି? ପ୍ରାକୃତିକ ଚମକ ପାଇଁ ଏକ ଘରୋଇ ନୁସ୍କା ସମ୍ପର୍କରେ ଆପଣ ଜାଣନ୍ତି କି? ଆଜିକାଲି ଚେହେରାରେ ଚମକ କିଏ ବା ନ ଚାହେଁ । ପ୍ରାକୃତିକ ଚମକ ଚେହେରାରେ ରହିଲେ ସମସ୍ତେ କନଫିଡେଣ୍ଟ ଫିଲ୍ କରନ୍ତି । କିନ୍ତୁ ଅନେକଙ୍କ ପାଇଁ ଏହା ସମ୍ଭବ ହୋଇନଥାଏ । କିନ୍ତୁ ଚେହେରାରେ ଚମକ ଆଣିବା ପାଇଁ ଅନେକ ବିଭିନ୍ନ ପ୍ରକାର ସ୍କିନ ଟ୍ରିଟମେଣ୍ଟ ଆପଣେଇଥାନ୍ତି । ଯେଉଁଥିରୁ ସବୁୁଠୁ ଅଧିକା ଟ୍ରେଣ୍ଡରେ ରହିଛି ଆଇସ ଫେସିଆଲ ଟ୍ରିଟମେଣ୍ଟ । ବଲିଉଡ ଅଭିନେତ୍ରୀମାନେ ମଧ୍ୟ ଏହି ଆଇସ ଫେସିଆଲ କରୁଥିବା ଭିଡିଓ ସେୟାର କରିଛନ୍ତି । ଏବଂ ଏହା ସେମାନଙ୍କ ଚେହେରାରେ ଏକ ଉଜ୍ଜ୍ୱଳତା ପ୍ରଦାନ କରୁଥିବା ଦର୍ଶାଉଛନ୍ତି । ତେବେ ଆସନ୍ତୁ ଜାଣିବା କିପରି ଆପଣ ଏହି ଆଇସ ଫେସିଆଲ ଘରେ କରିପାରିବେ ।
ଏହି ଆଇସ୍ ଫେସିଆଲ ପାଇଁ ଆପଣଙ୍କୁ ବରଫ କ୍ୟୁବ୍/ ଖଣ୍ଡ ଆବଶ୍ୟକ ଓ ଏକ ସୂତା କପଡା ଦରକାର । ପ୍ରଥମେ ମୁହଁକୁ ଭଲ ଭାବରେ ସଫା କରନ୍ତୁ । ଏହାପରେ ବରଫ ଖଣ୍ଡକୁ ଏକ ସୂତା କପଡ଼ାରେ ଗୁଡ଼ାଇ ସ୍କିନରେ ଧୀରେ ଧୀରେ ଲଗାନ୍ତୁ । ଆପଣ ଏହାକୁ ୫-୧୦ ମିନିଟ୍ ପର୍ୟ୍ୟନ୍ତ କରିପାରିବେ । କେବେ ବି ତ୍ବଚା ଉପରେ ସିଧାସଳଖ ବରଫ ପ୍ରୟୋଗ କରବେ ନାହିଁ ।
ଲାଭ
-ଆଇସ୍ ଫେସିଆଲରେ, ବରଫର ଥଣ୍ଡା ପ୍ରଭାବ ଯୋଗୁଁ ଚର୍ମର କୁଞ୍ଚନକୁ ହ୍ରାସ ପାଏ । ଏହା ଏକ ପ୍ରାକୃତିକ ଆଣ୍ଟି-ଏଜିଙ୍ଗ୍ ଭାବରେ କାମ କରିଥାଏ ।
-ପୋର୍ସକୁ ସଙ୍କୁଚିତ କରେ ଏବଂ ଚର୍ମର ମଇଳା ବାହାର କରିଥାଏ । ଫଳରେ ଚେହେରାକୁ ସଫା ରଖିବାରେ ସାହାଯ୍ୟ କରେ । ଏହାସହ ଆଇସ୍ ଫେସିଆଲ୍ ସ୍କିନରେ ରକ୍ତ ପ୍ରବାହକୁ ଉନ୍ନତ କରେ । ଯାହାଫଳରେ ଅମ୍ଳଜାନ ସ୍କିନ ଦ୍ୱାରା ସଠିକ୍ ଭାବରେ ଶୋଷିତ ହୁଏ । ଏହା ସ୍କିନକୁ ଏକ ପ୍ରାକୃତିକ ଚମକ ଦେଇଥାଏ ଓ ପ୍ରେସ ଲୁକ୍ ମିଳେ ।
-ସେହିପରି ଷ୍ଟ୍ରେସରେ ଅଛନ୍ତି କିମ୍ବା ଦୀର୍ଘ ଘଣ୍ଟା ଧରି କାମ କରୁଛନ୍ତି, ତେବେ ଆଇସ୍ ଫେସିଆଲ ଆପଣଙ୍କ ଥକ୍କାପଣକୁ ହ୍ରାସ କରେ ।
-ଆଇସ୍ ଫେସିଆଲ ସମୟରେ ବରଫ ସ୍କିନକୁ ଥଣ୍ଡା ରଖିଥାଏ । ବ୍ରଣ ସମସ୍ୟା ଥିଲେ ଏହା ବିଶେଷ ଲାଭ ମିଳେ ।
