ବିଳମ୍ବିତ ରାତିରେ ଜଣଙ୍କ ଘରୁ ଚୋରୀ ଉଦ୍ୟମ

ଗଞ୍ଜାମ ଜିଲ୍ଲା ବେଗୁନିଆପଡା ଥାନା ଅନ୍ତର୍ଗତ ବଡ ଖଇରଖମା ପଂଚାୟତର ରାଗପୁର ଗ୍ରାମରେ ବୁଧବାର ବିଳମ୍ବିତ ରାତିରେ କବାଟ ଭାଙ୍ଗି ଜଣଙ୍କ ଘରୁ ଚୋରି ଉଦ୍ୟମ ହୋଇଥିବା ଅଭିଯୋଗ ହୋଇଛି । ଏହି ଗ୍ରାମର ସୁରେନ୍ଦ୍ର ଗୌଡ଼ ଙ୍କ ବାଡିପଟୁ ଗୋଟିଏ ଗ୍ରିଲ ଓ ଗୋଟିଏ କବାଟ ଭାଙ୍ଗି ଚୋରୀ ଉଦ୍ୟମ ହୋଇଥିବା ଅଭିଯୋଗ ଆସିଛି । ସୁରେନ୍ଦ୍ରଙ୍କ ଘର ବାଡି ପଟୁ ଆସି ଗ୍ରିଲ ଭାଙ୍ଗି କବାଟ ଖୋଲିବା ସମୟରେ ଘର ସୋଇଥିବା ସୁରେନ୍ଦ୍ରଙ୍କ ପୁଅ ଶବ୍ଦ ହେଉଥିବା ଶୁଣି ଅନ୍ୟ କୋଠରୀ ରେ ସୋଇଥିବା ମାଆଙ୍କୁ ଫୋନ କରିଥିଲେ । ଫୋନ ପାଇ ସୁରେନ୍ଦ୍ର କୋଠରୀ ବାହାରକୁ ଆସି ବାଡ଼ି ଲାଇଟ ଲଗାଇ ପାଟି କରିବା ଫଳରେ ଚୋର ମାନେ ଫେରାର ହୋଇଯାଇଥିଲେ । ପରେ ଗ୍ରାମବାସୀ ଗାଁ ର ଚତୃପାର୍ଶ୍ଵ ବୁଲି ଖୋଜିଥିଲେ ମଧ୍ୟ କୌଣସି ସନ୍ଧାନ ପାଇ ନ ଥିଲେ । ପରେ ବେଗୁନିଆପଡା ପୋଲିସ କୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଜାରିରଖିଛି । ପ୍ରକାଶ ଥାଉ କି ମଙ୍ଗଳ ବାର ଦିନ ଏସ. ଛଚିନା ଗ୍ରାମରୁ ଦୁଇଟି ଘରୁ ଚୋରି ହୋଇଥିବା ବେଳେ ଠିକ ପର ଦିନ ରାତି ଏସ. ଛଚିନା ଠାରୁ ଏକ କିଲୋମିଟର ମଧ୍ୟରେ ଥିବା ରାଗପୁର ରେ ଏହି ଘଟଣା ଘଟିଛି । ଲଗାତାର ଦୁଇ ଦିନରେ ଏକ କିଲୋମିଟର ମଧ୍ୟରେ ତିନି ତିନୋଟି ଚୋରି ପୋଲିସ ର ମୁଣ୍ଡ ବଥାର କାରଣ ପାଲଟିଛି ।