By କୋରାପୁଟ:
କୋରାପୁଟର ବିରଳ କିସମର କଳାବତୀ ଚାଉଳ ଏବେ ଆସାମ ଯିବା ନେଇ ସୂଚନା ମିଳିଛି | କୋରାପୁଟରେ ଉତ୍ପାଦିତ ହେଉଥିବା କଳାବତୀ
ଧାନ ଗବେଷଣା ପାଇଁ ଆସାମ ଯିବ। କଳାବତି ଧାନ ଦେଖିବାରେ ଧଳା କିନ୍ତୁ ଚାଉଳ କଳା ରଙ୍ଗର ଯାହାକି ଅତ୍ୟନ୍ତ ବିରଳ କିସମର ଚାଉଳ। ଆସାମ କୃଷି ବିଶ୍ବ ବିଦ୍ୟାଳୟର ଗବେଷଣା ନିର୍ଦ୍ଦେଶକଙ୍କ କାର୍ଯ୍ୟାଳୟରୁ କୋରାପୁଟ ଜୈବିକ ଶ୍ରୀ ଫାର୍ମସ୍ ପ୍ରଡ୍ୟୁସର୍ସ କମ୍ପାନୀକୁ ଚିଠି ଲେଖି ୫ ହଜାର ୧୯୦ କିଲୋ କଳାବତୀ ଚାଉଳ ଯୋଗାଇ ଦେବାକୁ ଅନୁରୋଧ କରାଯାଇଛି।
ତେବେ ଏହା ୩୦ କିଲୋ ପ୍ୟାକେଟରେ ୧୭୩ଟି ପ୍ୟାକେଟ କରି ଦେବାକୁ କୁହାଯାଇଛି। ଆଜି ଏକ ସ୍ବତନ୍ତ୍ର ମିନି ଟ୍ରକରେ ଆସାମ ଯିବାକୁ ଥିବା ବେଳେ ଆସାମ କୃଷି ବିଶ୍ବବିଦ୍ୟାଳୟ ଅଧୀନରେ ଥିବା ୧୦ ଗୋଟି କୃଷି ବିଜ୍ଞାନ କେନ୍ଦ୍ରରେ ଏହାକୁ ବିତରଣ କରାଯିବ ବୋଲି ଜଣାପଡିଛି। ଜିଲ୍ଲାପାଳ ଅବଦଲ୍ ଏମ୍ ଅଖତର ଏହି ଯାତ୍ରାର ଶୁଭାରମ୍ଭ କରିବେ ବୋଲି ସୂଚନା ମିଳିଛି।
