By ସାମ୍ନାକୁ ଆସିଲା ବହୁ ଚର୍ଚ୍ଚିତ ଫିଲ୍ମ ରାମାୟଣର ପ୍ରଥମ ଝଲକ । ରିଲିଜ୍ ହେଲା ପୋଷ୍ଟର, ଘୋଷଣା ହେଲା ତାରିଖ । ବଲିଉଡ୍ ଅଭିନେତା ରଣବୀର କପୁର ଏବଂ ସାଉଥ ଅଭିନେତ୍ରୀ ସାଇ ପଲ୍ଲଭୀଙ୍କ ଅଭିନୀତ ଫିଲ୍ମ ରାମାୟଣ ଖୁବଶୀଘ୍ର ବଡ ପରଦାରେ ଆସିବାକୁ ଯାଉଛି । ଏହି ଫିଲ୍ମର ନାଁ ଶୁଣିବା ପରେ ଉଭୟଙ୍କ ଫ୍ୟାନ୍ସମାନେ ଫିଲ୍ମଟିକୁ ଦେଖିବା ପାଇଁ ଚାହିଁ ରହିଥିଲେ । ଆଉ ଏବେ ମାତ୍ର ଅଳ୍ପ ଦିନ ପରେ ଫିଲ୍ମଟି ରିଲିଜ୍ ହେବା ଖବର ସାମ୍ନାକୁ ଆସିଛି । ଫିଲ୍ମର ପ୍ରଥମ ପୋଷ୍ଟର ରିଲିଜ୍ ହେବା ସହ ଫିଲ୍ମଟି କେଉଁ ଦିନ ଘୋଷଣା ହେବ ସେନେଇ ମଧ୍ୟ ଘୋଷଣା କରାଯାଇଛି । ପ୍ରାଇମ୍ ଫୋକସ୍ ଷ୍ଟୁଡିଓର ପ୍ରତିଷ୍ଠାତା ତଥା ଗ୍ଲୋବାଲ୍ ସିଇଓ ନାମିତ ମଲହୋତ୍ରା ‘ରାମାୟଣ’ର ପ୍ରଥମ ପୋଷ୍ଟରର ଝଲକ ଦେଖାଇଛନ୍ତି। ସେ ଫିଲ୍ମର ପୋଷ୍ଟର ନିଜ ଇନ୍ଷ୍ଟାଗ୍ରାମ୍ ହ୍ୟାଣ୍ଡେଲ୍ରେ ଶେୟାର କରିଛନ୍ତି ଯେଉଁଥିରେ ରିଲିଜ୍ ତାରିଖ ମଧ୍ୟ ଲେଖାଯାଇଛି। ଏହା ବ୍ୟତୀତ ‘ରାମାୟଣ’ ଦୁଇଟି ଭାଗରେ ମୁକ୍ତିଲାଭ କରିବ ବୋଲି ମଧ୍ୟ ସ୍ପଷ୍ଟ ହୋଇଛି। ପ୍ରଥମ ଭାଗଟି ୨୦୨୬ ମସିହା ଦୀପାବଳି ଅବସରରେ ରିଲିଜ୍ ହେବାକୁ ଥିବା ବେଳେ ଦ୍ୱିତୀୟ ଭାଗଟି ୨୦୨୭ ଦ୍ୱିପାବଳିରେ ରିଲିଜ୍ ହେବା ନେଇ ସୂଚନା ମିଳିଛି । ତେବେ ଏହି ଫିଲ୍ମରେ ରଣବୀର କପୁର ରାମ ଭୂମିକାରେ ନଜର ଆସିବେ ।ଏବଂ ତାଙ୍କ ଅପୋଜିଟରେ ଅଭିନେତ୍ରୀ ସାଇ ପଲ୍ଲଭୀ ମାଆ ସୀତାଙ୍କ ଭୂମିକାରେ ନଜର ଆସିବୋ ଏଥିପାଇଁ ଉଭୟ ବହୁ ପରିଶ୍ରମ ମଧ୍ୟ କରିଛନ୍ତିା ତେବେ ଏହି ଫିଲ୍ମରେ ରଣବୀର କପୁର ଏବଂ ସାଇଙ୍କ ବ୍ୟତୀତ ସାଉଥ୍ ସୁପର୍ଷ୍ଟାର୍ ୟଶ୍ଙ୍କୁ ମଧ୍ୟ ‘ରାମାୟଣ’ରେ ଦେଖିବାକୁ ମିଳିବ। ସେ ଏହି ଚଳଚ୍ଚିତ୍ରରେ ରାବଣ ଭୂମିକାରେ ଅଭିନୟ କରିବେ। କୈକେୟୀଙ୍କ ଭୂମିକାରେ ଲାରା ଦତ୍ତ ଅଭିନୟ କରିବେ। ସନି ଦେଓଲ ହନୁମାନଙ୍କ ଭୂମିକାରେ ନଜର ଆସିବେ। ରାମାୟଣର ରାମ ଅରୁଣ ଗୋଭିଲ୍ ରାଜା ଦଶରଥଙ୍କ ଭୂମିକାରେ ନଜର ଆସିବେ। ସେହିପରି ଶିବା ଚଡ୍ଢା ମନ୍ଥରା ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ନୀତୀଶ ତିୱାରୀ, ଯିଏ ପୂର୍ବରୁ ଆମୀର ଖାନଙ୍କ ସହ ବ୍ଲକବଷ୍ଟର ‘ଦଙ୍ଗଲ’ କରିଥିଲେ।
