By ୧୨ଟି ମନ୍ଦିରରେ କଳାକନା ବୁଲାଇଥିଲେ ଦୁଇ ଭାଇ .ଏହି ଦୁଇ କୁଖ୍ୟାତ ଲୁଟେରାଙ୍କୁ ଧରିଲା ପୋଲିସ . ଏହା ସହିତ ସେମାନଙ୍କ ପାଖରୁ ବିପୁଳ ପରିମାଣର ଠାକୁରଙ୍କ ଜିନିଷ ,ଅଳଙ୍କାର ଜବତ କରାଯାଇଛି . ତେବେ ଜଗତସିଂହପୁର, କଟକସଦର ଓ ଖୋର୍ଦ୍ଧାରେ ପାଖାପାଖି ୧୨ ମନ୍ଦିରରେ କଳାକନା ବୁଲାଇ ଦେଇଥିବା କୁଖ୍ୟାତ ମନ୍ଦିର ଲୁଟେରା ୨ଭାଇ ଧରାପଡ଼ିଛନ୍ତି . ଜଗତସିଂପୁର ପୋଲିସ ସହଯୋଗରେ ବାଲିପାଟଣା ଥାନା ପୋଲିସ ଗିରଫ କରିଥିବା ଏହି ଭାଇ ହେଲେ . ଜଗତସିଂପୁର ବଢ଼େଇଗାଁର ବରଦା ପ୍ରସାଦ ଆଚାର୍ଯ୍ୟ ଯାହାଙ୍କ ବୟସ ୩୧ ବର୍ଷ ଆଉ ଅନ୍ୟଜଣେ ଆନନ୍ଦ ପ୍ରସାଦ ଆଚାର୍ଯ୍ୟ ଯାହାଙ୍କ ବୟସ ୨୬ ବର୍ଷ . ଏନେଇ ଭୁବନେଶ୍ୱର ଡିସିପି ପିନାକ ମିଶ୍ର ସାମ୍ବାଦିକ ସମ୍ମିଳନୀରେ ଏହି ୨ ଭାଇଙ୍କ କଳା କରାନାମା ବିବରଣୀ ପ୍ରଦାନ କରିଛନ୍ତି .
ତେବେ ବାଲିପାଟଣା ଥାନା ପ୍ରାଚୀ ନଦୀ ପାଶ୍ୱର୍ସ୍ଥ ଭାପୁର ବେଲେଶ୍ୱର ମନ୍ଦିର ଓ ବନମାଳୀପୁର ଦେୱାନପାଟଣା ମା ଦୁଲ୍ଲାଦେବୀ ମନ୍ଦିରରୁ ଚୋରି କରିବା ମାମାଲାରେ ୨ ଭାଇଙ୍କୁ କୋର୍ଟ ଚାଲାଣ କରାଯାଇଛି . ତଦନ୍ତ ଜାରି ରହିଛି ଏବଂ ଅଧିକ ତଦନ୍ତ ପାଇଁ ଏମାନଙ୍କୁ ରିମାଣ୍ଡରେ ଅଣାଯିବ ବୋଲି ଡ଼ିସିପି ଶ୍ରି ମିଶ୍ର କହିଛନ୍ତି .
