କଂଗ୍ରେସର ମୁଖିଆ ଖୋଜା ଆରମ୍ଭ

କିଏ ହେବେ ପିସିସି ସଭାପତି ? କିଏ ଧରିବ ରାଜ୍ୟ କଂଗ୍ରେସର ମଙ୍ଗ ? ଏ ଚର୍ଚ୍ଚା କିଛି ମାସ ହେବ ଲାଗି ରହିଥିବା ବେଳେ ଏବେ ରାଜ୍ୟ କଂଗ୍ରେସର ମୁଖିଆ ଖୋଜିବା ପ୍ରକ୍ରିୟା ଆରମ୍ଭ ହୋଇଛି । ଏଆଇସିସି ନେତା ଚରଣଦାସ ମହନ୍ତ ଏବଂ ମୀନାକ୍ଷୀ ନଟରାଜନ ଓଡିଶା ଆସି ରାଜ୍ୟ ନେତାଙ୍କୁ ଭେଟି ଏ ସମ୍ପର୍କରେ ଆଲୋଚନା କରିବାର କାଯ୍ୟକ୍ରମ ରହିଛି । ପ୍ରଥମେ ଷ୍ଟିଅରିଂ କମିଟି ସହ ଆଲୋଚନା କରିବେ , ପରେ ବିଧାୟକ ଏବଂ ସାଂସଦଙ୍କୁ ମଧ୍ୟ ଭେଟିବେ । ଜିଲ୍ଲା ସଭାପତି ଏବଂ ଛାମୁଆ ସଙ୍ଗଠନ ନେତାଙ୍କ ସହ ବି ବୈଠକ କରିବେ । ଏବଂ ଏହା ପରେ ଏଆଇସିସିଙ୍କୁ ରିପୋର୍ଟ ଦାଖଲ କରିବା ନେଇ ସୂଚନା ମିଳିଛି ।