By କାହିଁକି ବାରମ୍ବାର ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଅପମାନ କରୁଛନ୍ତି ଦଳୀୟ ନେତା । କଣ ଏବେବି ମୁଖ୍ୟମନ୍ତ୍ରୀ ପଦ ପାଇଁ ଆଶାୟୀ ଅଛନ୍ତି କି ଅନ୍ୟ ବିଜେପି ନେତା । ଏ ପ୍ରଶ୍ନ ଏବେ ବି ଅନେକ ଦିଗକୁ ଦେଖିଲେ ସୃଷ୍ଟି ହେଉଛି । କାରଣ ଯେବେଠାରୁ ମୋହନ ମାଝୀ ମୁଖ୍ୟମନ୍ତ୍ରୀ ଗାଦିରେ ବସିଛନ୍ତି ସେବେଠାରୁ ତାଙ୍କୁ କେଉଁଠି ନା କେଉଁଠି ଅପମାନିତ ହେବାକୁ ପଡିଥିବା ସୋସିଆଲ ମିଡିଆରେ ଭାଇରାଲ ହେଉଛି । ଏବଂ ମୁଖ୍ୟମନ୍ତ୍ରୀ ଗାଦିରୁ ହଟିବା ପରେ ସେଇ ଅନ୍ଦାଜ ଏବଂ ସେଇ ସମ୍ମାନ ପୂବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମିଳୁଥିବା ନଜର ଆସୁଛି । ଆଜି ବି ନବୀନ କୌଣସି ସଭାକୁ ଗଲେ ତାଙ୍କ ତାଙ୍କ ସ୍ୱତନ୍ତ୍ର ସିଟର ବ୍ୟବସ୍ଥା କରାଯାଉଛି । ଏପରିକି ସେ ଆସିବା ମାତ୍ରେ ସମସ୍ତ ନେତା ଏବଂ ସାଧାରଣ ଜନତା ମାନେ ତାଙ୍କୁ ସମ୍ମାନ ଜଣାଇ ଛିଡା ହେଉଛନ୍ତି । କିନ୍ତୁ ଏ ସବୁ ନୂଆ ମୁଖ୍ୟମନ୍ତ୍ରୀ ମୋହନ ମାଝୀଙ୍କ କ୍ଷେତ୍ରରେ ଦେଖିବାକୁ ମିଳୁନି । ମୁଖ୍ୟମନ୍ତ୍ରୀ ହୋଇ ବି କେଉଁଠି ତାଙ୍କୁ ସାଧାରଣ କର୍ମୀଙ୍କ ଭଳି ଆଇକାର୍ଡ ପକେଇବାକୁ ପଡୁଛି ତ ଆଉ କେଉଁଠି ତାଙ୍କୁ ସିଟ୍ ପାଇଁ ଛିଡା ହେବାକୁ ପଡୁଛି । ଏପରିକି ମୁଖ୍ୟମନ୍ତ୍ରୀ ସିଟରେ ବସିବା ପୂବରୁ ହିଁ ଅନ୍ୟ ଦଳୀୟ ନେତାମାନେ ସିଟ୍ରେ ବସି ରହୁଛନ୍ତିା ଯେଉଁଥିରୁ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଏବେବି ଦଳରେ ସମ୍ମାନ ମିଳୁନଥିବା ସାଧାରଣରେ ଆଲୋଚନା ହେଉଛି । ତେବେ ଥରେ ନଜର ପକାନ୍ତୁ ଏହି ସବୁ ଦୃଶ୍ୟ ଉପରେ । କିପରି ମୋହନ ମଞ୍ଚ ଉପରକୁ ଆସିବା ପରେ ବି ଖୋଦ ଦଳର ସଭାପତି ସିଟରେ ବସି ରହୁଛନ୍ତି । ଏବଂ ମୁଖ୍ୟମନ୍ତ୍ରୀ ମୋହନ ମାଝୀ ଚୁପଚାପ ଆସି ନିଜ ଆସନରେ ବସି ଯାଉଛନ୍ତିା ଯେଉଁଥିରୁ ମନମୋହନ ସାମଲଙ୍କ ଗବ ବଢିଯାଇଥିବା ଏବଂ ସେ ମୋହନଙ୍କୁ ସମ୍ମାନ ଦେଉନଥିବା ସ୍ପଷ୍ଟ ହୋଇପଡୁଛି । କେବଳ ଏତିକି ନୁହେଁ ଏହା ପୂବରୁ ମଧ୍ୟ ଏକ ଭରା ସଭାରେ ପୂବତନ ବିଜେପି ବିଧାୟକ ମୋହନଙ୍କ ହାତକୁ ଛିଞ୍ଚାଡି ଦେଉଥିଲେ । ଏବଂ ତାଙ୍କୁ ଅନ୍ୟ କର୍ମୀମାନଙ୍କ ପରି ବ୍ୟବହାର କରିଥିଲେ । ଯାହାର ଭିଡିଓ ଭାଇରାଲ ହେବା ପରେ ବିଜେପିକୁ ସୋସିଆଲ ମିଡିଆରେ ତୀବ୍ର ସମାଲୋଚନା କରାଯାଇଥିଲା । ଏହା ସହ ପ୍ରଧାନମନ୍ତ୍ରୀଙ୍କ ଗସ୍ତ ସମୟରେ ମଧ୍ୟ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଅନ୍ୟ କର୍ମୀଙ୍କ ପରି ଆଇକାର୍ଡ ପକାଇବାକୁ ପଡିଥିଲା । ଏପରିକି ତାଙ୍କୁ ସାଧାରଣ କର୍ମୀଙ୍କ ପରି ପ୍ଲାଷ୍ଟିକ ଚେୟାରରେ ହିଁ ବସିବାକୁ ପଡିଥିଲା । ଯାହାକୁ ନେଇ ନାନା ପ୍ରଶ୍ନବାଚୀ ସୃଷ୍ଟି ହୋଇଥିଲା । ଖାଲି ଏତିକି ନୁହେଁ ଦିଲ୍ଲୀ ନେତାଙ୍କ ଓଡିଶା ଗସ୍ତ ସମୟରେ ମଧ୍ୟ ତାଙ୍କ ବଡିଗାର୍ଡ ମାନେ ମୋହନଙ୍କୁ ସାଇଡ କରୁଥିବା ଏବଂ ଠେଲିଦେଉଥିବା ନଜର ଆସିଛି । ଆଉ ଏହି ସବୁ ଦୃଶ୍ୟ ସୋସିଆଲ ମିଡିଆରେ ଏବେ ବି ଭାଇରାଲ ହେବା ସହ ବିଜେପି ନେତାଙ୍କୁ ସମାଲୋଚନା କରାଯାଉଛି ଏବଂ ମୋହନ ରିମୋଟରେ ଚାଲୁଥିବା ଯେଉଁ ଚର୍ଚ୍ଚା ହେଉଛି ତାହା କେଉଁଠି ନା କେଉଁଠି ସତ ବୋଲି ପ୍ରମାଣିତ ହେଉଛିା
