ବଲିଉଡ ଖିଲାଡି ଅକ୍ଷୟ କୁମାରଙ୍କୁ ନେଇ ଆସିଛି ଏକ ବଡ ଅପଡେଟ୍ । କରୋନା ଭାଇରସରେ ସଂକ୍ରମିତ ହୋଇଛନ୍ତି ଅକ୍ଷୟ । ତାଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଥିବା ସୂଚନା ମିଳିଛି । ଏହି କାରଣ ପାଇଁ ସେ ଶିଳ୍ପପତି ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କ ବାହାଘରରେ ଯୋଗ ଦେଇନଥିଲେ । ତେବେ ଦେଶରେ ଏକ ଭୟଙ୍କର ମାହୋଲ ସୃଷ୍ଟି କରିିଥିବା ମହାମାରୀ କରୋନା ଏଣ୍ଡେମିକ୍ ସ୍ଥିତିରେ ଥିବା ବେଳେ ଅକ୍ଷୟ କୁମାରଙ୍କ ଭଳି ଜଣେ ଫିଟ୍ ଲୋକ ଏଥିରେ ସଂକ୍ରିମିତ ହେବା ଏବେ ତାଙ୍କ ଫ୍ୟାନ୍ସଙ୍କ ସହ ସମସ୍ତଙ୍କୁ ଚକିତ କରିଦେଇଛି । ଅନ୍ୟପଟେ ଅକ୍ଷୟ ତୃତୀୟ ଥର ପାଇଁ କରୋନାରେ ଆକ୍ରାନ୍ତ ହୋଇଛନ୍ତି । ଗତ କିଛି ଦିନ ଧରି ଅକ୍ଷୟ ନିଜର ଆଗାମୀ ଫିଲ୍ମ ସରଫିରାର ପ୍ରମୋସନରେ ବ୍ୟସ୍ତ ରହିଥିଲେ । ଏହି ସମୟରେ ତାଙ୍କ ଶରୀରରେ କରୋନାର ଲକ୍ଷଣ ପରିଲକ୍ଷିତ ହୋଇଥିଲା । ପରେ ସେ ନିଜର ଟେଷ୍ଟ କରାଇଥିଲେ । ଏବଂ ରିପୋର୍ଟ ପଜିଟିଭ୍ ଆସିଥିବାରୁ ସେ ନିଜ ଫିଲ୍ମର ପ୍ରମୋସନ ମଧ୍ୟ ବନ୍ଦ କରିଦେଇଛନ୍ତି । ତେବେ କେବଳ ଅକ୍ଷୟ ନୁହଁନ୍ତି ଅକ୍ଷୟଙ୍କ ସହ ତାଙ୍କ ଟିମ୍ ମେମ୍ବରମାନେ ମଧ୍ୟ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି । ତେବେ ଏହା ପୂବରୁ ଅକ୍ଷୟ ୨୦୨୧ ଏପ୍ରିଲ ଏବଂ ୨୦୨୨ ମେ ମାସରେ କରୋନା ଭାଇରସରେ ସଂକ୍ରମିତ ହୋଇଥିଲେ । ପ୍ରଥମଥର କରୋନା ଭାଇରସ ଆଟାକ କରିବା ପରେ ସେ ହସ୍ପିଟାଲରେ ଭର୍ତ୍ତି ହୋଇଥିଲେ। ୨୦୨୨ରେ ଅକ୍ଷୟ କୁମାର କରୋନାରେ ଆକ୍ରାନ୍ତ ହେବାରୁ କାନସ ଫିଲ୍ମ ଫେଷ୍ଟିଭାଲର ଇଣ୍ଡିଆ ପ୍ୟାଭିଲିୟନକୁ ଯାଇ ନଥିଲେ।
You can share this post!
author
Related Articles
ପ୍ରତିଦିନ ଚକୋଲେଟ ଖାଇଲେ କଣ ମିଳିବ ଫାଇଦା ?
- September 28, 2024
ଓଡ଼ିଶା ଫୋଟ ଏକ୍ସପୋ 2024ଉଦଘାଟିତ
- September 28, 2024
ତହସିଲଦାରଙ୍କ ମନମୁଖୀ କାର୍ଯ୍ୟକୁ ବିରୋଧ କରି ପ୍ରତିବାଦ
- September 28, 2024