କ୍ୟାପିଟାଲ ହସ୍ପିଟାଲରେ ଶିଶୁ ଅଦଳି ବଦଳିର ଆଜି ଡିଏନଏ ଟେଷ୍ଟ

ଗତ କିଛି ତଳେ କ୍ୟାପିଟାଲ ହସ୍ପିଟାଲରେ ନବଜାତ ଶିଶୁ ଅଦଳି ବଦଳି ଘଟଣା ଘଟିଥିଲା ।ଏହି ଅଭାବନୀୟ ଘଟଣାରେ କୋର୍ଟର ନିର୍ଦ୍ଦେଶ କ୍ରମେ ଆଜି ଡିଏନଏ ଟେଷ୍ଟ କରାଯିବ । କ୍ୟାପିଟାଲ ଥାନା ପୋଲିସ କୋର୍ଟରେ ପୂର୍ବରୁ ଆବେଦନ ସଫଳ ହୋଇଛି। ଅଭିଯୋଗକାରୀ ପ୍ରାଣକୃଷ୍ଣ ବିଶ୍ୱାଳ, ତାଙ୍କ ପତ୍ନୀ ଓ ଶିଶୁର ସାମ୍ପଲ ଆଜି ସଂଗ୍ରହ କରାଯିବ । ରିପୋର୍ଟ ମିଳିବା ପରେ ସତ୍ୟ ପଦାକୁ ଆସିବ । ସେପଟେ ଉଭୟ ମା’ ଓ ଶିଶୁ ସୁସ୍ଥ ଥିବା ଡାକ୍ତରୀ ଟିମ୍ ପକ୍ଷରୁ ସୂଚନା ଦିଆଯାଇଛି । ଝିଅ ଜନ୍ମ ହୋଇଥିବା କଥା ମା’ ମାନୁଥିବା ବେଳେ ବାପା କିନ୍ତୁ ମାନିବାକୁ ନାରାଜ । ଘଟଣାରେ କ୍ୟାପିଟାଲ ଥାନାରେ ମାମଲା ରୁଜୁ କରାଯାଇଥିବା ବେଳେ କାର୍ଯ୍ୟରେ ଅବହେଳା ଦର୍ଶାଇ ମହିଳା ଆଟେଣ୍ଡାଂଟକୁ ନିଲମ୍ବିତ କରିଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ।