By ଖୁବଶୀଘ୍ର ଆସିବ ବିଜେପିର ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା । ଓଡିଶାରେ ରାଜ୍ୟ ନିର୍ବାଚନ ପ୍ରଭାରୀ, ବିଜୟ ପାଲ ସିଂହ ତୋମାର ପହଁଞ୍ଚିବା ପରେ ଏନେଇ ସୂଚନା ଦେଇଛନ୍ତି । ଆସନ୍ତା ୨୦ ତାରିଖ ଭିତରେ ରାଜ୍ୟରେ ବାକି ଥିବା ସମସ୍ତ ବିଧାନସଭା ଆସନ ପାଇଁ ନାଁ ଘୋଷଣା କରାଯିବ । ଟିକେଟ୍ ଆଶାୟୀଙ୍କ ବିକ୍ଷୋଭ ପ୍ରତିବାଦକୁ ନେଇ ତୋମାର କହିଛନ୍ତି ଯେ, ଦଳୀୟ କାର୍ଯ୍ୟାଳୟରେ ଟିକେଟ ଆଶାୟୀ ଦାବି କରିବା କିଛି ନୂଆ କଥା ନୁହେଁ । ବିଦ୍ରୋହ କରୁଥିବା ସମସ୍ତେ ଦଳର ବିଚାରଧାର ସହ ଜଡିତ । ସମସ୍ତେ ଆମ ସାଙ୍ଗରେ ଅଛନ୍ତି । ଘୋଷଣା ହୋଇଥିବା ପ୍ରାର୍ଥୀ ବଦଳିବେ ନାହିଁ ବୋଲି ସ୍ପଷ୍ଟ କରିଛନ୍ତି ତୋମାର । ଏହାସହ କେନ୍ଦ୍ରୀୟ ନେତୃତ୍ୱ ଓଡିଶାରେ ଆସି ପ୍ରଚାର କରିବା ନେଇ ମଧ୍ୟ ୨ ତିନି ଦିନ ଭିତରେ ନିଷ୍ପତି ନିଆଯିବ ବୋଲି କହିଛନ୍ତି ।
