ଖୋଜୁ ନାହାନ୍ତି ନବୀନ ପରାଜୟ ପରେ ହଜିଗଲେ ସୁଶାନ୍ତ !

କୁଆଡେ ଗଲେ ପଶ୍ଚିମ ଓଡିଶାର ଟାଣୁଆ ନେତା ତଥା ଭଟ୍ଟଲିର ପୂର୍ବତନ ବିଧାୟକ ସୁଶାନ୍ତ ସିଂ ? ପରାଜୟ ପରେ କେଉଁଠି ଅଛନ୍ତି ପୂର୍ବତନ ବିଧାୟକ ? ଖୋଜୁ ନାହାନ୍ତି ନବୀନ ବିଜେଡିରୁ ହଜିଗଲେ କି ସୁଶାନ୍ତ ? ହଁ ଦର୍ଶକ ବନ୍ଧୁ ଗତ ସାଧାରଣ ନିର୍ବାଚନରେ ବିଜେଡିର ଶୋଚନୀୟ ପରେ ଶଙ୍ଖଭବନରେ ମୂର୍ଚ୍ଛା ହୋଇ ପଡିଛନ୍ତି ବିଜେଡିର ଛାମୁଆ ନେତା ।

ପରାଜୟକୁ ପାଞ୍ଚ ମାସ ବିତି ଯାଇଥିଲେ ସୁଦ୍ଧା ପରାଜୟର କାରଣ ଖୋଜି ପାଉନଥିବା ନବୀନ ନିଜ ଦଳକୁ ସୃଦୁଢ କରିବା ପାଇଁ ନିଜେ ଅଣ୍ଟା ଭିଡିଛନ୍ତି । ଦଳର ବରିଷ୍ଠ ନେତାଙ୍କୁ ଗୁରୁ ଦାୟିତ୍ୱ ଦେଉଛନ୍ତି । ସଙ୍ଗଠନକୁ ମଜଭୁତ କରିବା ପାଇଁ ଶଙ୍ଖଭବନରେ ଆୟୋଜିତ ହେଉଛି କର୍ମକର୍ତ୍ତା ସମ୍ମିଳନୀ । ନେତା ଓ କର୍ମୀଙ୍କୁ କର୍ଣ୍ଣମନ୍ତ୍ର ଦେଉଛନ୍ତି । କିନ୍ତୁ ସମସ୍ତ ନେତାଙ୍କ ମଧ୍ୟରେ ନାହାନ୍ତି ଭଟ୍ଟଲିର ପୂର୍ବତନ ବିଧାୟକ ସୁଶାନ୍ତ ସିଂ । କେଉଁଠି ଅଛନ୍ତି ସୁଶାନ୍ତ ? କାହିଁକି ବିଜେଡିରେ ମିଳୁନି ସୁଶାନ୍ତଙ୍କ ଦେଖା ?

ଏହିଭଳି ଅନେକ ପ୍ରଶ୍ନ ଏବେ ରାଜ୍ୟ ରାଜନୀତିରେ ଉଙ୍କି ମାରୁଛି । ସୁଶାନ୍ତଙ୍କ ମାଧ୍ୟମରେ ସମ୍ପୂର୍ଣ୍ଣ ପଶ୍ଚିମ ଓଡିଶାକୁ ନିଜ ଅକ୍ତିଆରରେ ରଖିଥିଲା ବିଜୁ ଜନତା ଦଳ । ଏକଦା ନବୀନଙ୍କ ଆନୁଗତ୍ୟ ଥିବା ସୁଶାନ୍ତ ବରଗଡ ଜିଲ୍ଲାରେ ନବୀନଙ୍କ ଦବଦବାକୁ ବଜାୟ ରଖିଥିଲେ । କିନ୍ତୁ ଗତ ନିର୍ବାଚନରେ ମୋଦି ଲହରକୁ ଭେଦ କରିବାରେ ଫେଲ ମାରିଗଲେ ସୁଶାନ୍ତ । ଅନ୍ୟପଟେ ଚର୍ଚ୍ଚା ହେଉଛି କି ବରଗଡରେ ସୁଶାନ୍ତଙ୍କୁ ହରେଇବା ପାଇଁ ଭିତିରିଆ ଷଡଯନ୍ତ୍ର କରାଯାଇଥିଲା ।

କାହିଁକିନା ଲଗାତାର ଭାବେ ବିଜେଡିରୁ ବିଧାୟକ ହୋଇ ଆସୁଥିଲେ ସୁଶାନ୍ତ ଏବଂ ଯଦି ଚଳିତ ଥର ଜିତିଥାନ୍ତେ ଏବଂ ବିଜେଡି ସରକାର କରିଥାନ୍ତା ତାଙ୍କୁ ମନ୍ତ୍ରୀ ପଦବୀ ମିଳିବା ନେଇ ଚର୍ଚ୍ଚା ହେଉଥିଲା । ଶେଷରେ କୁଚକ୍ରୀଙ୍କ ଷଡଯନ୍ତ୍ରରେ ଫସିଗଲେ ସୁଶାନ୍ତ । ନା ବିଜେଡି ସରକାର ହେଲା ନା ସୁଶାନ୍ତ ଜିତି ପାରିଲେ । ତେବେ ଏତେସାରା ଚର୍ଚ୍ଚା ଭିତରେ କେଉଁଠି ଅଛନ୍ତି ସୁଶାନ୍ତ କାହିଁକି ନବୀନ ତାଙ୍କୁ ଖୋଜୁ ନାହାନ୍ତି ତାହା ଏବେ ରାଜ୍ୟ ରାଜନୀତିର ସବୁଠୁ ବଡ ପ୍ରଶ୍ନ ।