By ଗଜପତି ଜିଲ୍ଲା ଅଡବା ଥାନା ପୋଲିସ ପୃଥକ୍ ସ୍ଥାନରେ ଚଢାଉ କରି ବ୍ୟାପକ ପରିମାଣର ଗଞ୍ଜେଇ ଓ ଭାଙ୍ଗ ଜବତ କରିବା ସହ ଚୋରା ଗଞ୍ଜେଇ ଚାଲାଣରେ ସଂପୃକ୍ତ ୪ ଜଣ ମାଫିଆଙ୍କୁ ଗିରଫ କରିବାରେ ସଫଳ ହୋଇଛି | ସୂଚ଼ନା ଯୋଗ୍ୟ,ଗୁଣ୍ଡ୍ରିପଙ୍କା ଗାଁ ନିକଟସ୍ଥ ରାସ୍ତା କଡ଼ରେ ଚ଼ୋରା ଚାଲାଣ ପାଇଁ ରଖାଯାଇଥିବା ୩ କୁଇଣ୍ଟାଲ ୩୭ କିଲୋ ଗଞ୍ଜେଇ ଜବତ କରି ଘଟଣା ସ୍ଥଳରୁ ଜଗନ୍ନାଥ ପରିଛା କୁ ଗିରଫ କରିଛି ଅଡବା ପୋଲିସ୍ । ସେହିପରି ଅଡ଼ବା ଥାନା ଅନ୍ତର୍ଗତ ଉଲିଆପଦା ଛକରେ ପୋଲିସ୍ ଚଢାଉ କରି ଏକ ଅଟୋ ରୁ ୧୫୫ କେଜି ଭାଙ୍ଗ ଜବତ କରିବା ସହ ୩ ଜଣ ଗଞ୍ଜେଇ ମାଫିଆ ଗଞ୍ଜାମ ଜିଲ୍ଲା ବଡ଼ଗଡ଼ ଅଞ୍ଚଳର ଉପେନ୍ଦ୍ର ରଇତ,ସୁଦାମ ଦଳାଇ, ସାନ୍ତୁନୁ ଦଳାଇଙ୍କୁ ଗିରଫ କରିଵାରେ ସଫଳ ହୋଇଛି । ସମୟ ସୁବିଧା ଓ ସୁଯୋଗକୁ ଦେଖି ଅଭିଯୁକ୍ତମାନେ ବାହାର ରାଜ୍ୟକୁ ଚ଼ୋରା ଗଞ୍ଜେଇ ଚାଲାଣ କରିବା ପୂର୍ବରୁ ପୋଲିସ ଚଢ଼ାଉକରି ମାଫିଆ ମାନଙ୍କଠାରୁ ଏତେ ପରିମାଣର ଗଞ୍ଜେଇ ଓ ଭାଙ୍ଗ ଜବତ କରିଛି l ଜବତ ଗଞ୍ଜେଇ ଓ ଭାଙ୍ଗର ଆନୁମାନିକ ବଜାର ମୂଲ୍ୟ ପ୍ରାୟ ୨୨ ଲକ୍ଷ ଟଙ୍କା ହେବ ବୋଲି ଅଡବା ଥାନା ଅଧିକାରୀ ଶୁଭ୍ରାନ୍ତ କୁମାର ପଣ୍ଡା କହିଛନ୍ତି | ଅପରପକ୍ଷେ, ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ଯତୀନ୍ଦ୍ର କୁମାର ପଣ୍ଡା ପାରଳାଖେମୁଣ୍ଡିରେ ଠାରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ଏସଂପର୍କରେ ସୂଚନା ଦେଇଛନ୍ତି।
