By ଅପରାଜିତାଙ୍କୁ ନେଇ ଗଣମାଧ୍ୟମ ଚର୍ଚ୍ଚାରେ ପଡିଲା ପୂର୍ଣ୍ଣଚ୍ଛେଦ । ହଁ ଦର୍ଶକବନ୍ଧୁ କାହିଁକି ନିରବ ଅପରାଜିତା । କାହିଁକି ଦଳୀୟ କାର୍ଯ୍ୟକ୍ରମରେ ଦେଖାଯାଉନାହାନ୍ତି ଏ ନେଇ ଅନେକ ଦ୍ୱନ୍ଦ୍ୱ ସୃଷ୍ଟି ହେଉଥିଲା । ରାଜ୍ୟ ରାଜନୀତିରେ ଅପରାଜିତା ଷଡଙ୍ଗୀଙ୍କୁ ନେଇ ଅନେକ ବୟାନବାଜି ଲାଗିରହିଥିଲା । ଏମିତିକି ଦଳ ବିରୁଦ୍ଧରେ ଯାଉଥିବାର ଅଭିଯୋଗ ମଧ୍ୟ ହୋଇଥିଲା । ହେଲେ ସେସବୁକୁ ପଛରେ ପକାଇ ବିଜେପି ପାର୍ଟି ଅଫିସରେ ନଜର ଆସିଛନ୍ତି ମ୍ୟାଡାମ ଅପରାଜିତା । ଭୁବନେଶ୍ୱରର ବିଭିନ୍ନ ସମସ୍ୟା ନେଇ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଜଣାଇଛନ୍ତି । ବିଗତ ସରକାରଙ୍କୁ ଅକର୍ମଣ୍ୟ ଯୋଗୁଁ ଯେଉଁ କାମ ହୋଇ ପାରିନଥିଲା ସେହି କାମକୁ କିପରି ସମ୍ପୂର୍ଣ୍ଣ କରାଇବେ ସେ ନେଇ ସାମ୍ୱାଦିକ ସମ୍ମିଳନୀ କରି ସୂଚନା ଦେଇଥିଲେ । ଖାଲି ସେତିକି ନୁହେଁ ମ୍ୟାଡାମ ଅପରାଜିତା ବିଜେପିର ମନ୍ତ୍ରୀ ମାନଙ୍କୁ ପସନ୍ଦ କରୁନଥିବା ନେଇ ଯେଉଁ ପ୍ରଶ୍ନ ଉଠୁଥିଲା ସେଥିରେ ମଧ୍ୟ ବିରାମ ଲାଗିଛି । କାହିଁକିନା ଭୁବନେଶ୍ୱରରେ ସୁଭଦ୍ରା ସଚେତନତା ରଥ ଉଦଘାଟନ ସମୟରେ ସାଂସଦ ମ୍ୟାଡାମଙ୍କ ଅନୁପସ୍ଥିତି ଚର୍ଚ୍ଚା ବଢାଇଥିଲା । କିନ୍ତୁ ଆଜି ଭୁବନେଶ୍ୱର ଠାରେ ସୁଭଦ୍ରା ଯୋଜନା ପାଇଁ ଶୋଭାଯାତ୍ରା ଅନୁଷ୍ଠିତ ହେଉଛି । ରାଜଧାମୀର ୟୁନିଟ 3 ସ୍ଥିତ ଗିରିଦୁର୍ଗା ମନ୍ଦିର ଠାରୁ ରମାଦେବୀ ବିଦ୍ୟାଳୟ ପର୍ଯ୍ୟନ୍ତ ଏକ ଶୋଭାଯାତ୍ରା ଅନୁଷ୍ଠିତ ହୋଇଛି ଯେଉଁଥିରେ ନଜର ଆସିଛନ୍ତି ସାଂସଦ ମ୍ୟାଡାମ । ତେବେ ଅପରାଜିତାଙ୍କୁ ନେଇ ଗଣମାଧ୍ୟମରେ ଯେଉଁ ଚର୍ଚ୍ଚା ଲାଗି ରହିଥିଲା ସେଥିରେ ନିଜେ ପୂର୍ଣ୍ଣଚ୍ଛେଦ ପକାଇଛନ୍ତି ଅପରାଜିତା ଷଡଙ୍ଗୀ
