By ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ପୁଣି ଜଣେ ସରକାରୀ ବାବୁଙ୍କ ଘରେ ଭିଜିଲାନ୍ସର ଚଢଉ । ଇଡକୋ ଜୁନିୟର ମ୍ୟାନେଜର ବିଜୟ କୁମାର ଉଦୟ ସିଂଙ୍କୁ ଏଥର ଟାର୍ଗେଟ କରିଛି ଭିଜିଲାନ୍ସ । ଗତକାଲି ଭିଜିଲାନ୍ସର 6ଟି ଟିମ ଏକକାଳୀନ ଛଅଟି ଜାଗାରେ ଚଢଉ କରି ପ୍ରାୟ 5 କୋଟି ମୂଲ୍ୟର ସ୍ଥାବର ଓ ଅସ୍ଥାବର ସମ୍ପତ୍ତି ଠାବ କରିଛି । କଳାଧନରେ ରାଜମହଲ ପରି ଘର ତିଆରି କରିଥିଲେ ଏହି ବାବୁ ଜଣକ । ବିଳାସପୂର୍ଣ୍ଣ ୪ ମହଲା ଘର ଦେଖି ଜଳକା ହୋଇଥିଲେ ଭିଜିଲାନ୍ସ ଅଧିକାରୀ । ସରକାରୀ ବାବୁ ଜଣଙ୍କ ଘରେ ଲାଗିଥିଲା ଅତ୍ୟାଧୁନିକ ଓ ଦାମୀ ଆସବାବ ପତ୍ର । କୋଟି କୋଟି ଟଙ୍କାରେ ତିଆରି ହୋଇଛି ବାବୁଙ୍କ ଘର । ବିଜୟଙ୍କ ବ୍ୟାଙ୍କ ଜମା ଓ ବୀମା ୫୫ ଲକ୍ଷ ୧୦ ହଜାର ଟଙ୍କା ଠାବ ହୋଇଛି । ଗତକାଲିର ରେଡ ପରେ ଏବେ ବନ୍ଧା ହେବେ ଏହି ସଉକିନିଆ ସରକାରୀ ବାବୁ । ଆଜି ଇଡକୋ ଜୁନିୟର ମ୍ୟାନେଜର ବିଜୟ କୁମାର ଉଦୟସିଂହଙ୍କୁ ଗିରଫ କରିବ ଭିଜିଲାନ୍ସ ।
