By ଅକ୍ଟୋବର ୧୬ ତାରିଖରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା ନବୀନ ପଟ୍ଟନାୟକଙ୍କ ୭୮ତମ ଜନ୍ମଦିନ ଥିଲା । ଆଉ ଏହି ଅବସରରେ ଶଙ୍ଖ ଭବନ ସହ ବିଭିନ୍ନ ସ୍ଥାନରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ନବୀନଙ୍କ ଫ୍ୟାନ୍ସମାନେ ନବୀନଙ୍କ ପାଇଁ ସ୍ୱେଚ୍ଛାକୃତ ରକ୍ତଦାନ କରିଥିଲେ ଏବଂ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଏହା ସହ ନବୀନ ନିବାସକୁ ମଧ୍ୟ ନବୀନଙ୍କ ଶୁଭେଚ୍ଛୁମାନଙ୍କ ସୁଅ ଛୁଟିଥିଲା । ନେତାଙ୍କ ଠାରୁ ଆରମ୍ଭ କରି କର୍ମୀ. ଏପରିକି ଛୋଟ ଛୋଟ ପିଲାମାନେ ମଧ୍ୟ ନୀବନଙ୍କୁ ଜନ୍ମଦିନର ଶୁଭେଚ୍ଛା ଏବଂ ଶୁଭକାମନା ଦେବା ପାଇଁ ନବୀନ ନିବାସ ଆସିଥିଲେ । ଆଉ ଏହି ଛୋଟ ପିଲାଟି ମଧ୍ୟ ନବୀନଙ୍କୁ ଜନ୍ମଦିନର ଶୁଭେଚ୍ଛା ଦେବା ପାଇଁ ଆସିଥିଲା । ଆଉ ନବୀନଙ୍କୁ ଦେଖିବା ପରେ ତାଙ୍କ ଆଗରେ ହେ ନବୀନ ବାବୁ ଆମେ ତମ ଫ୍ୟାନ ବୋଲି ଗୀତ ଗାଇଥିଲା । ଆଉ ପିଲାଟି ମୁହଁରୁ ଏ ଗୀତ ଶୁଣି ନବୀନ ହସିବା ସହ ପିଲାଟି ମୁଣ୍ଡରେ ହାତ ରଖି ଆଶୀବାଦ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ନବୀନଙ୍କ ପ୍ରତି ଆଜି ବି ସମସ୍ତଙ୍କ ଭଲପାଇବା ପୂର୍ବପରି ରହିଥିବା ପ୍ରମାଣିତ ହୋଇଯାଇଛି ।
