By ସିଦ୍ଦିଙ୍କ ହତ୍ୟା ପରେ ବଲିଉଡରେ ଚହଳ ପଡିଛି ? ଲେଡି ସିଙ୍ଗମଙ୍କ ନଜର ବନ୍ଦୀରେ ଲରେନ୍ସ ବିଷ୍ଣୋଇ ? କିଏ ଏହି ଲେଡି ସିଙ୍ଗମ ? ମହାରାଷ୍ଟ୍ର ମୁମ୍ୱାଇର ବାନ୍ଦ୍ରାଠାରେ ବାବା ସିଦ୍ଧିକଙ୍କୁ ଗୁଳି କରି ହତ୍ୟା କରାଯିବା ପରେ ପୋଲିସ ଅଫିସରଙ୍କ ନଜର ବନ୍ଦୀରେ ରହିଛି ଲରେନ୍ସ ବିଷ୍ଣୋଇ ଗ୍ୟାଙ୍ଗ । କାହିଁକିନା ଏହି ଘଟଣା ପରେ ବଲିଉଡ ସୁପରଷ୍ଟାର ସଲମନ ଖାନଙ୍କ ଜୀବନ ଉପରେ ବିପଦ ରହିଛି । ଦଶହରା ଦିନ ମୁମ୍ୱାଇରେ ଯେଉଁ ଘଟଣା ଘଟିଲା ତାହା ତ ସମସ୍ତଙ୍କୁ ଜଣା । ବାବା ସିଦ୍ଧିକଙ୍କୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଗୁଳି କରି ହତ୍ୟା କରିବା ପରେ ସୁପରଷ୍ଟାର ସଲମନ ଖାନଙ୍କ ସୀକୃରିଟି ମଧ୍ୟ ବଢାଯାଇଛି । କାହିଁକିନା ସିଦ୍ଧିକିଙ୍କ ହତ୍ୟାର କିଛି ସମୟ ପରେ ସଲମନଙ୍କୁ ହତ୍ୟା କରିବା ପାଇଁ ଧମକ ଦେିଛନ୍ତି ଲରେନ୍ସ ବିଷ୍ଣୋଇ ଗ୍ୟାଙ୍ଗ । ତେବେ ଏପ୍ରିଲ ମାସରେ ସଲମନଙ୍କ ଘରେ ମଧ୍ୟ ଗୁଳି ବିନିମୟ କରାଯାଇଥିଲା ଯେଉଁଥିରେ ଲରେନ୍ସ ଗ୍ୟାଙ୍ଗର ହାତ ରହିଥିବା କଥା ମଧ୍ୟ ସାମ୍ନାକୁ ଆସିଥିଲା । ତେବେ ବର୍ତ୍ତମାନ ସାବରମତୀ ଜେଲରେ ଅଛି ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ । ପୋଲିସର କଡା ସୁରକ୍ଷା ବଳୟ ଭିତରେ ବନ୍ଦୀ ହୋଇ ରହିଛି ଲରେନ୍ସ ବିଷ୍ଣୋଇ । ଏହି କୁଖ୍ୟାତ ଅପରାଧୀକୁ ଭେଟିବା ପାଇଁ ଯାଉଥିବା ପ୍ରତ୍ୟୋକଟି ଲୋକଙ୍କ ଗତିବିଧି ଉପରେ ମଧ୍ୟ କଡା ନଜର ରକାଯାଉଛି । ତେବେ ଏ ସବୁର ଗୁରୁଦାୟିତ୍ୱ ନେଇଛନ୍ତି ଜଣେ ଲେଡି ସିଙ୍ଗମ ତଥା ଆଇପିଏସ ଅଧିକାରୀ ଶ୍ୱେତା ଶ୍ରୀମାଲି । 2023 ମସିହାରୁ ସାବରମତୀ ଜେଲରେ ଦାୟିତ୍ୱରେ ରହିଛନ୍ତି ଶ୍ୱେତା । ସାବରମତୀ ଜେଲର ଡିଜି ଅଟନ୍ତି ଶ୍ୱେତା । ଆଇପିଏସ ଶ୍ୱେତା ଶ୍ରୀମାଲି ରାଜସ୍ଥାନର ବାସିନ୍ଦା ଅଟନ୍ତି । ତେବେ ଶ୍ୱେତା ଅହମଦାବାଦରେ ଡିସିପି ଭାବେ କାର୍ଯ୍ୟ କରିଥିଲେ । ତେବେ ବର୍ତ୍ତମାନ ସାବରମତୀ କେନ୍ଦ୍ରୀୟ ଜେଲରେ ଡିଜି ଭାବେ କାର୍ଯ୍ୟରତ ଅଛନ୍ତି ଏବଂ ଲରେନ୍ସ ବିଷ୍ଣୋଇ ଉପରେ କଡା ନଜର ରଖିଛନ୍ତି ।
