ତାରାତାରିଣୀ ପରେ ନିର୍ମଳଝର ମନ୍ଦିର ପାଳି

ତାରାତାରିଣୀ ପରେ ନିର୍ମଳଝର ମନ୍ଦିର ପାଳି | ଚୋରି କରିନେଲେ ପିତ୍ତଳ ସାମଗ୍ରୀ | ଦାନ ହୁଣ୍ଡି ଭାଙ୍ଗି ଟଙ୍କା ଲୁଟି ନେଲେ ଦୁର୍ବୃତ୍ତ | ପୋଲିସ ର ତଦନ୍ତ ଜାରି | ଖଲ୍ଲିକୋଟ ଥାନା ଅନ୍ତର୍ଗତ ନିର୍ମଳଝର ମନ୍ଦିର ରେ ଚୋରି ହୋଇଥିବା ବେଳେ ମନ୍ଦିର ଭିତରୁ ପିତ୍ତଳ ସାମଗ୍ରୀ ସହ ଦାନ ହୁଣ୍ଡି ଭାଙ୍ଗି ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ମିଳିଥିବା ସୂଚନା ଅନୁଯାୟୀ ଗୁରୁବାର ବିଳମ୍ବିତ ରାତିରେ କିଛି ଦୁର୍ବୃତ ମନ୍ଦିର ପାଚେରୀ ଡେଇଁ ମନ୍ଦିର ପରିସର ମଧ୍ୟରେ ଥିବା ନୀଳକଣ୍ଠେଶ୍ଵର, ଜଗନ୍ନାଥ ମନ୍ଦିର ଓ ରୋଷ ଘର ତାଲା ଭାଙ୍ଗି ଭିତରେ ପଶି ପିତ୍ତଳ ସାମଗ୍ରୀ ସହ ଦାନ ହୁଣ୍ଡି ଭାଙ୍ଗି ଟଙ୍କା ଲୁଟ କରି ଚମ୍ପଟ ମାରିଛନ୍ତି ଦୁର୍ବୃତ୍ତ । ତେବେ ଆଜି ସକାଳ ୫ ଟା ସମୟରେ ମନ୍ଦିର ପୂଜକ ଆସି ଦେଖିଲା ବେଳକୁ ମନ୍ଦିର ତାଲା ଭଙ୍ଗା ଯାଇଥିବା ବେଳେ ସବୁ ଜିନିଷ ପତ୍ର ବିଛାଡ଼ି ହୋଇ ପଡ଼ିରହିଛି । ତୁରନ୍ତ ଏ ସମ୍ପର୍କରେ ମନ୍ଦିର ପୂଜକ ପୋଲିସ କୁ ଖବର ଦେଇଥିଲେ । ଖବର ପାଇ ଖଲ୍ଲିକୋଟ ଥାନା ଅଧିକାରୀ ନରେଶ କୁମାର ସାହୁ ପୋଲିସ ଟିମ୍ ସହ ଘଟଣା ସ୍ଥଳରେ ପହଞ୍ଚି ବିଭିନ୍ନ ଦିଗକୁ ନେଇ ତଦନ୍ତ ଆରମ୍ଭ କରିଛନ୍ତି