By 24 ବର୍ଷର କାନ୍ଥରୁ ସିମେଣ୍ଟ ଛାଡିବା ପରେ ଗୋଟିଏ ପରେ ଗୋଟିଏ ଇଟା ଖସିବାରେ ଲାଗିଛି । କ୍ଷମତାରୁ ହଟିବା ପରେ ନବୀନଙ୍କ ନାଲି ଆଖିକୁ ଆଉ କାହାର ଭଯ ନାହିଁ । ଯେଉଁଠି ଯିଏ ଯାହା ଚାହିଁଲା ତାହା କହିଲା । ହଁ ଦର୍ଶକବନ୍ଧୁ ଗତ ସାଧାରଣ ନିର୍ବାଚନର ସଦମାରୁ ବାହାରି ନିଜର ଜନସମ୍ପର୍କ ପଦଯାତ୍ରା ଆରମ୍ଭ କରିଛି ବିଜୁ ଜନତା ଦଳ । ନିଜର ଜନସମ୍ପର୍କ ବୃଦ୍ଧି କରିବା ସହିତ ବିଜେଡିକୁ ନେଇ ବଡ ବଡ ବୟାନ ଦେଉଛନ୍ତି କର୍ମୀଙ୍କ ଠାରୁ ଯେ ନେତା । ବିଜେଡିର ଦ୍ୱିତୀୟ ପର୍ଯ୍ୟାୟ ଜନସମ୍ପର୍କ ପଦଯାତ୍ରାରେ ଏଭଳି କିଛି ବୟାନ ଦେଇଛନ୍ତି ବରିଷ୍ଠ ନେତା ତଥା ବିଜେଡିର ପୂର୍ବତନ ବିଧାୟକ ଅତନୁ ସବ୍ୟସାଚୀ ନାୟକ । କିଛିଦିନ ତଳେ ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ ବିଜେଡି-କଂଗ୍ରେସ ମେଣ୍ଟକୁ ନେଇ ଯେଉଁ ବିସ୍ପୋରକ ବୟାନ ଦେଇଥିଲେ ସେହି ସମାନ କଥାକୁ ପୁଣି ଦୋହରାଇଛନ୍ତି ବିଜେଡିର ପୂର୍ବତନ ବିଧାୟକ । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କାହିଁକି ବାରମ୍ୱାର ଉଠୁଛି ମେଣ୍ଟ କଥା ? କାହା ଇସାରାରେ ଖୋଲା ମଞ୍ଚରେ ଏଭଳି ମନ୍ତବ୍ୟ ଦେଉଛନ୍ତି ବିଜେଡିର ବରିଷ୍ଠ ନେତୃବୃନ୍ଦ । ଚର୍ଚ୍ଚା ନିଜ କର୍ମୀଙ୍କ ମନୋବଳ ବଢାଇବା ପାଇଁ ନବୀନ ଏଭଳି ରଣନୀତି କରୁଛନ୍ତି । ତେବେ ବିଜେଡି-କଂଗ୍ରେସ ମେଣ୍ଟକୁ ନେଇ ପୁଣିଥରେ ଅତନୁ ଦେଇଥିବା ଏହି ବୟାନ ରାଜ୍ୟ ରାଜନୀତିରେ କେଉଁ ମୋଡ ଆଣୁଛି ତାହାର ଅପେକ୍ଷା ।
