By ଧରା ପଡିଲା ଚୋର |ଗଜପତି ଜିଲ୍ଲା ମୋହନା ଥାନାଠାରୁ ମାତ୍ର ୧୦୦ ମିଟର ଦୂରତା ରାସ୍ତା ପାର୍ଶ୍ଵରେ ଥିବା ଶ୍ରୀହରି ଜୁଏଲାରୀ ନାମକ ସୁନା ଗହଣା ଦୋକାନ ଆଗରୁ ଦୋକାନ ମାଲିକ ବେଞ୍ଚ୍ ଉପରେ ରଖିଥିବା ଗହଣା ବ୍ୟାଗ୍ ଓ ଟଙ୍କା ଛଡାଇ ନେଇଯାଇଥିଲେ କିଛି ଦୁବୃର୍ତ୍ତ । ଚୋରି ପରେ ମୋହନା ଥାନା ଅଧିକାରୀ ବସନ୍ତ କୁମାର ସେଠୀ ଓ ଆର. ଉଦୟଗିରି ଥାନା ଅଧିକାରୀ ସବ୍ୟସାଚୀ ମଲ୍ଲ ଏବଂ ଅଡ଼ବା ଥାନା ଏସଆଇ ଜୟକୃଷ୍ଣ ପାଣିଗ୍ରାହୀଙ୍କ ପ୍ରଚେଷ୍ଟାରେ ଦୁଇ ଜଣ କୁଖ୍ୟାତ ଅପରାଧୀଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଗିରଫ ଦୁବୃର୍ତ୍ତ ଦୁଇଜଣ ହେଲେ ଗଞ୍ଜାମ ଜିଲ୍ଲା ଆସିକା ଅଞ୍ଚଳର ଓ ଅନ୍ୟ ଜଣକ ସୋନପୁର ଜିଲ୍ଲାର | ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ଯତୀନ୍ଦ୍ର କୁମାର ପଣ୍ଡା । ତେବେ ପୋଲିସ ଏନେଇ ତଦନ୍ତ ଚଳାଇ ଥିବାବେଳେ ସୁନା ଅଳଙ୍କାର ଜବତ କରିବା ସହ ଏକ ପଲ୍ସର୍ ବାଇକ୍ ମଧ୍ୟ ଜବତ କରିଛନ୍ତି ମୋହନା ପୋଲିସ । ଘଟଣାରେ ସଂପୃକ୍ତ ଥିବା ଅନ୍ୟ ଡ଼କାୟତମାନଙ୍କୁ ଅତିଶୀଘ୍ର ଗିରଫ କରାଯିବ ବୋଲି SP ଶ୍ରୀ ପଣ୍ଡା କହିଛନ୍ତି।
