By ଧାରଣାରେ ଅଗ୍ନିଶମ କର୍ମଚାରୀ । ଆନ୍ଦୋଳନରେ ବସିଥିବା ଅଗ୍ନିଶମ କର୍ମଚାରୀଙ୍କ ବିରୋଧରେ ଏସମା ଲାଗୁ କରିଛନ୍ତି ରାଜ୍ୟ ସରକାର । ୨ ଦଫା ଦାବି ନେଇ ୫ ହଜାରରୁ ଅଧିକ ଅଗ୍ନିଶମ କର୍ମଚାରୀ ହାବିଲଦାର ଓ କନେଷ୍ଟବଳମାନେ ଅନିର୍ଦ୍ଦିଷ୍ଟ କାଳ ପାଇଁ କାର୍ଯ୍ୟବନ୍ଦ ଆନ୍ଦୋଳନ କରି ଧାରଣାରେ ବସିଛନ୍ତି । ସମ୍ବଲପୁର ଜିଲ୍ଲା କୁଚିଣ୍ଡା, ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର. ବାଲେଶ୍ୱର ଜିଲା ନୀଳଗିରିରେ ଅଗ୍ନିଶମ କାର୍ଯ୍ୟଳୟ ସମ୍ମୁଖରେ ଧାରଣା ଦେଇଛନ୍ତି କର୍ମଚାରୀ । ଦୀର୍ଘ ୧୩ ବର୍ଷ ଧରି ସରକାର ସେମାନଙ୍କ ମୌଳିକ ଦାବି ପ୍ରତି କର୍ଣ୍ଣପାତ କରୁନଥିବା ଅଭିଯୋଗ ରହିଛିି । ତେବେ ଅଗ୍ନିଶମ କର୍ମଚାରୀଙ୍କର ସମାଜରେ ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଥିବା ବେଳେ ସରକାର ସେମାନଙ୍କ ମୌଳିକ ଦାବି ପୂରଣ କରୁନଥିବା ସଂଘ ପକ୍ଷରୁ କୁହାଯାଇଛି । ପୂର୍ବରୁ ଦୁଇମାସ ଧରି କଳାବ୍ୟାଚ ପରିଧାନ କରି କାର୍ଯ୍ୟ କରୁଥିବା ବେଳେ ବର୍ତ୍ତମାନ ଦାବି ପୂରଣ ନ ହେବା ଯାଏ ଅନିର୍ଦ୍ଦିଷ୍ଟ କାଳ କାର୍ୟ୍ୟବନ୍ଦ ଓ ଅହୋରାତ୍ର ଧାରଣାରେ ବସିବେ ବୋଲି କର୍ମଚାରୀ ମାନେ କହିଛନ୍ତି ।
