By ଲୋକସଭା ନିର୍ବାଚନ ପୂର୍ବରୁ ଦେଶରେ ଲାଗୁ ହେବ ନାଗରିକତ୍ୱ ସଂଶୋଧନ ଆଇନ ବା CAA। ୨୦୧୯ ରୁ ଏହି ଆଇନ ସଂସଦରେ ପାରିତ ହୋଇଥିଲେ ମଧ୍ୟ ବିବାଦ କାରଣରୁ ଏହା ଲାଗୁ ହୋଇପାରିନଥିଲା । ଏବେ ଏହି ଆଇନକୁ ଲାଗୁ କରାଯିବ ବୋଲି ଘୋଷଣା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ତେବେ ଏହି ଆଇନକୁ ନେଇ ଏବେ ବିରୋଧୀ ବିଜେପି ମଧ୍ୟରେ ବିବାଦ ଆରମ୍ଭ ହୋଇଯାଇଛି । ପୂର୍ବରୁ ଏହି ଆଇନ ଲାଗୁ କରିବା ପାଇଁ କଂଗ୍ରେସ ସପକ୍ଷରେ କହୁଥିବା ବେଳେ ଏବେ ଏହାର ବିରୋଧ କରୁଥିବା ଅଭିଯୋଗ କରିଛନ୍ତି ଅମିତ୍ ଶାହା ସେ କହିଛନ୍ତି, ମୁସଲିମ୍ ଭାଇମାନଙ୍କୁ ସିଏଏ ବିରୋଧରେ ବିଭ୍ରାନ୍ତକର ତଥ୍ୟ ଦିଆଯାଉଛି । ସେମାନଙ୍କୁ ଏହି ଆଇନକୁ ବିରୋଧ କରିବାକୁ ଉସକା ଯାଉଛି । ପାକିସ୍ତାନ, ଆଫଗାନିସ୍ତାନ ଓ ବାଙ୍ଗଲାଦେଶ୍ ଭଳି ଦେଶରୁ ନିଯ୍ୟାତନା ସହି ନପାରି ଦେଶ ଛାଡି ଆସି ଭାରତରେ ଶରଣ ନେଇଥିବା ଲୋକଙ୍କୁ ନାଗରିକତା ଦେବା ପାଇଁ ସିଏଏ ଆଇନ ଆସିଛି । ଏହା ଆଇନ କାହାଠାରୁ ଭାରତର ନାଗରିକତା ଛଡାଇବାକୁ ନୁହେଁ ବରଂ ନାଗରିକତା ଦେବା ପାଇଁ ଆସିଛି ବୋଲି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା କହିଛନ୍ତି ।
