ପଦ୍ମ ଧରିବେ ସୁନନ୍ଦା ଦାସ !

ବିଜେପିରେ ସାମିଲ ହେବେ ବରୀର ପୂର୍ବତନ ବିଧାୟକ ସୁନନ୍ଦା ଦାସ । ଏନେଇ ବିଶେଷ ସୂତ୍ରରୁ ଏପରି ସୂଚନା ମିଳିଛି । ବିଜେଡିରୁ ଇସ୍ତଫା ଦେବା ପରେ ସୁନନ୍ଦା ଦାସ କେଉଁ ଦଳକୁ ଯିବେ ତାକୁ ନେଇ ଚର୍ଚ୍ଚା ଲାଗି ରହିଥିଲା । ଆଉ ଏବେ ସେ ବିଜେପିରେ ସାମିଲ ହେବା ନେଇ ସୂଚନା ମିଳିଛିା ଏପରିକି ଦଳୀୟ ନେତାଙ୍କ ସହ ତାଙ୍କ ଆଲୋଚନା ସରିଥିବା ମଧ୍ୟ କୁହାଯାଉଛିା ଏବଂ ଆସନ୍ତା ନଭେମ୍ବର ୩ ତାରିଖରେ ସେ ବିଜେପିରେ ସାମିଲ ହେବା ନେଇ ସୂଚନା ରହିଛିା ତେବେ ସୁନନ୍ଦା ଦାସ ଗତକାଲି ବିଜେଡିରୁ ଇସ୍ତଫା ଦେଇଥିଲେ । ଦଳୀୟ କାର‌୍ୟ୍ୟକ୍ରମରେ କୋଣଠେସା କରାଯିବା ସହ ଦଳ ତାଙ୍କୁ ଅଣଦେଖା କରୁଥିବାରୁ ବାଧ୍ୟ ହୋଇ ବିଜେଡି ଛାଡିଥିବା କହିଥିଲେ ସୁନନ୍ଦା । ୨୦୧୯ରେ ବିଜେଡି ଟିକେଟରେ ବରୀରୁ ବିଧାୟିକା ହୋଇଥିଲେ ସୁନନ୍ଦା। ତେବେ ୨୦୨୪ରେ ଦଳୀୟ ଟିକେଟରୁ ବଞ୍ଚିତ ହୋଇଥିଲେ ସୁନନ୍ଦା । ବିଶ୍ୱରଞ୍ଜନ ମଲ୍ଲିକଙ୍କୁ ଏଠାରେ ପ୍ରାର୍ଥୀ କରିଥିଲା ଦଳ। ନିର୍ବାଚନ ଫଳାଫଳର ୫ ମାସ ବିତି ଯାଇଥିଲେ ମଧ୍ୟ ଦଳ ତାଙ୍କର ଗୁରୁତ୍ୱ ଅନୁଭବ ନ କରିବାକୁ ଇସ୍ତଫା ଦେଇଥିବା କହିଥିଲେ ସୁନନ୍ଦା । ସେ କହିଥିଲେ ବିଜେଡିକୁ ଅଫିସର ଚଳାଉଥିଲେ । କିଏ ଟିକେଟ ପାଇବେ ଅଫିସର ନିଷ୍ପତି ନେଉଥିଲେ। ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ଦୁଇ ସରକାରୀ ଅଫିସର ଡି.ଏସ କୁଟ୍ଟେ ଓ ଆଶିଷ ସିଂଙ୍କୁ କରିଥିଲେ ଟାର୍ଗେଟ । ଟିକେଟ ବଣ୍ଟନରେ ଏମାନଙ୍କ ଭୂମିକା ଥିବା ଦର୍ଶାଇଥିଲେ ସୁନନ୍ଦା ।