ପଦ୍ମ ଧରି ରାଜନୀତିରେ ଏଣ୍ଟ୍ରି କଲେ ଦୁଇ ଯା’

ପୁଣି ଚର୍ଚ୍ଚାକୁ ଫେରିଛନ୍ତି ଭୁବନେଶ୍ୱରର ଦୁ ଯା’ । ରାଜଧାନୀରେ କାରରେ ଆସି ଖାଦ୍ୟ ପରସି ଚର୍ଚ୍ଚାରେ ରହିଥିବା ଦୁଇ ଯା’ ଏବେ ରାଜନୀତିରେ ଏଣ୍ଟ୍ରି କରିଛନ୍ତି । ଆଜି ସେ ବିଧିବଦ୍ଧ ଭାବେ ବିଜେପିରେ ସାମିଲ ହୋଇଛନ୍ତି । ରାଜ୍ୟ ବିଜେପିର ପୂର୍ବତନ ସଭାପତି ସମୀର ମହାନ୍ତି ଏବଂ ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ଉପସ୍ଥିତିରେ ପଦ୍ମ ଧରିଛନ୍ତି । ଏବେ ରାମ ମନ୍ଦିର ନିକଟରେ କାର-ଖାନା ଚଳାଉଛନ୍ତି ଦୁଇ ଯା’ । ପୂର୍ବରୁ ରାଜଧାନୀର ବିଭିନ୍ନ ସ୍ଥାନରେ କାରରେ ଆସି ଖାଦ୍ୟ ବିକ୍ରି କରୁଥିଲେ । ଦୁଇ ଯା’ଙ୍କ କାରରେ ଖାଦ୍ୟ ବିକ୍ରି କରିବାକୁ ନେଇ ବେଶ୍ ବିବାଦ ମଧ୍ୟ ହୋଇଥିଲା । ଏହି ଦୁଇ ଯା’ ସୋସିଆଲ ମିଡିଆରେ ବେଶ୍ ସକ୍ରିୟ । ଏବେ ଦୁଇ ଯା’ ବିଜେପିରେ ସାମିଲ ହୋଇଛନ୍ତି ।