ପୁଣି ସୋସିଆଲ ମିଡିଆରେ ବିଜେପି ନେତାଙ୍କୁ କଡା ସମାଲୋଚନା କଲେ ସୁଲତା

ପୁଣି ସୋସିଆଲ ମିଡିଆରେ ବିଜେପି ନେତାଙ୍କୁ କଡା ସମାଲୋଚନା କଲେ ବିଜେଡି ରାଜ୍ୟସଭା ସାଂସଦ ସୁଲତା ଦେଓ । କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡାଙ୍କୁ ବାକ୍ୟବାଣରେ ଘାଇଲା କରିଛନ୍ତି ସୁଲତା । ତେବେ ବିରୋଧୀ ଦଳରେ ବସିବା ଦିନଠାରୁ ସୁଲତା ଦେଓ ବିଭିନ୍ନ ପ୍ରସଙ୍ଗକୁ ନେଇ ଲାଇମଲାଇଟରେ ରହିଆସୁଛନ୍ତି । ନିଜ ସୋସିଆଲ ମିଡିଆ ସାଇଟରେ ଭିଡିଓ ପୋଷ୍ଟ କରି ବିଭିନ୍ନ ପ୍ରସଙ୍ଗରେ ସ୍ୱର ଉଠାଇବା ସହ ଶାସକ ଦଳକୁ ଟାର୍ଗେଟ କରିଥାନ୍ତି । କିନ୍ତୁ ଏହାକୁ ନେଇ ବିଜେପି ନେତାମାନେ ତାଙ୍କୁ କଟାକ୍ଷ କରିଥିବା ଏବଂ ଅଚୁରିକର ମନ୍ତବ୍ୟ ଦେଉଥିବା କହି ସମାଲୋଚନା କରିଥିଲେ । ଖାସ କରି ଏୟାରପୋର୍ଟରୁ ଯେଉଁ ସୁନା ଜବତ କରାଯାଇଛି ତାକୁ ନେଇ ସୁଲତା ଯେଉଁଭଳି ଭାବରେ ଏ ସୁନା ବିଜେପି ରତ୍ନଭଣ୍ଡାରରୁ ଚାଲାଣ କରୁଥିବା ଇସାରା ଦେଇ କହିଥିଲେ ତାର କାଉଣ୍ଟରରେ ବିଜେପି ନେତା ଏପରି କହିଥିବା କୁହାଯାଉଛି । ଏବଂ ସୁଲତାଙ୍କ ପରିଚୟ ସଙ୍କଟରେ ଥିବା ବେଳେ ସେ ଏପରି କହିବା ଆଦୌ ଗ୍ରହଣୀୟ ନୁହେଁ ବୋଲି ବିଜେପି ନେତା କହିଥିବା ଅଭିଯୋଗ କରିଛନ୍ତି ସୁଲତା । ଏହା ସହ କାହା ପରିଚୟ ସଙ୍କଟରେ ଅଛି ସେ ସମ୍ପର୍କରେ ଏକ ଭିଡିଓ କରି ସୋସିଆ ମିଡିଆରେ ବୈଜୟନ୍ତଙ୍କୁ ଖୋଲାଖୋଲି ଧମକ ଦେଇଛନ୍ତି ସୁଲତା ଦେଓ ।