ପୁରୀରେ କେନ୍ଦ୍ରାପଡା ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା

ନିର୍ବାଚନ ପାଇଁ ଦିନ କେଇଟା ବାକି ରହିଲା । ରାଜ୍ୟ ବିଜେପି ତାର ସମସ୍ତ ଲୋକସଭା ଆସନ ପାଇଁ ଟିକେଟ ଘୋଷଣା କରିସାରିଛି । କେନ୍ଦ୍ରାପଡା ପାଇଁ ସାଂସଦ ପ୍ରାର୍ଥୀ ହୋଇଛନ୍ତି ବୈଜୟନ୍ତ ପଣ୍ଡା । ତାଙ୍କ ନାଁ ଘୋଷଣା ହେବା ପରେ ସେ କେନ୍ଦ୍ରାପଡାରେ ନିଜର ଜୋର ଦାର ପ୍ରଚାର ଆରମ୍ଭ କରିଛନ୍ତି । ଆଜି ପୁରୀରେ ବିଜେପିର କେନ୍ଦ୍ରାପଡା ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା । ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି ।  ପୁରୀ ବିଜେପି ସାଂସଦ ପ୍ରାର୍ଥୀ ସମ୍ବିତ ପାତ୍ର ମଧ୍ୟ ବୈଜୟନ୍ତଙ୍କ ସହ ଯାଇ ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶିଷ ନେଇଛନ୍ତି । ଲୋକସଭା ପ୍ରାର୍ଥୀ ଭାବେ ନାଁ ଘୋଷଣା ହେବା ପରେ ଗତକାଲି କେନ୍ଦ୍ରାପଡାରେ ପହଁଚି ଶ୍ରୀବଳଦେବଜିଉଙ୍କ ଦର୍ଶନ କରିଥିଲେ । ଏହାପରେ କେନ୍ଦ୍ରପଡାରେ ଏକ ବିଶାଳ ରାଲିରେ ସାମିଲ ହୋଇଥିଲେ ।