ବାହାଘର କାର୍ଡରେ ମୋଦି

ସୀମା ଟପିଲା ମୋଦିଙ୍କ ଲୋକପ୍ରିୟତା । ମୋଦିଙ୍କ ପ୍ରେମରେ ପାଗଳ ହେଲେଣି ସାଧାରଣ ଜନତା । ବାହାଘର କାର୍ଡରେ ଛପା ହେଲା ମୋଦିଙ୍କ ଫଟୋ । ଏଭଳି ଆଶ୍ଚର୍ଯ୍ୟକର ଘଟଣା ଘଟିଛି ଗୁଜୁରାଟର ଭାବନଗର ଜିଲ୍ଲାରେ । ଜଣେ ବିଜେପି କର୍ମକର୍ତା ନିଜ ଭାଇଙ୍କ ବାହାଘର ନିମନ୍ତ୍ରଣ କାର୍ଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଛାପିଥିବା ଦେଖିବାକୁ ମିଳିଛିା ମୋଦିଙ୍କ ସହ ଏହି ନିମନ୍ତ୍ରଣ କାର୍ଡରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଫଟୋ ମଧ୍ୟ ରହିଛି । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ତେବେ ମୋଦି ଏବଂ ଯୋଗୀଙ୍କ ଫଟୋ ସହ ଅଯୋଧ୍ୟା ରାମମନ୍ଦିର ଏବଂ ରାମଲଲାଙ୍କ ଫଟୋ ରହିଛି । ଏହା ସହ ଏହି କାର୍ଡରେ ବିଜେପିର ନିର୍ବାଚନୀ ନାରା ବାଟୋଗେ ତୋ କଟୋଗେ ମଧ୍ୟ ଉଲ୍ଲେଖ ରହିଛି । ଆଉ ଏହି ବାହାଘର କାର୍ଡଟି ଏବେ ସୋସିଆଲ ମିଡିଆରେ ଖୁବ ଟ୍ରେଣ୍ଡ କରୁଛି ।