By କିଏ ହେବ ଓଡିଶାର ବିଜେପି ମୁଖ୍ୟମନ୍ତ୍ରୀ ପ୍ରାର୍ଥୀ । କାହାକୁ ଭରସା କରିବ ଭାରତୀୟ ଜନତା ପାର୍ଟି । ହଁ ଦର୍ଶକବନ୍ଧୁ ବିଜେପି ମୁଖ୍ୟମନ୍ତ୍ରୀ ପ୍ରାର୍ଥୀ ଏ ଯାଏଁ ଘୋଷଣା କରିନାହିଁ । ଯାହାକୁ ନେଇ ବିଜୁ ଜନତା ଦଳର ଅନେକ ନେତା ବିଜେପିକୁ କଟାକ୍ଷ କରିଥିଲେ କି ଭାରତୀୟ ଜନତା ପାର୍ଟିରେ ଯୋଗ୍ୟ ମୁଖ୍ୟମନ୍ତ୍ରୀ ପ୍ରାର୍ଥୀ ନାହାନ୍ତି ଏବଂ ଚର୍ଚ୍ଚା ହେଉଥିଲା ଭାରତୀୟ ଜନତା ପାର୍ଟି ଆଜି ଏକ ସାମ୍ୱାଦିକ ସମ୍ମିଳନୀ କରି ତାର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିଥାନ୍ତା । କିନ୍ତୁ ସେପରି କିଛି ବି ହେଲା ନାହିଁ । ଗୋଟିଏ ପଟେ ଚର୍ଚ୍ଚା ଚାଲିଛି କି ବିଜେପି ଜଣେ ମହିଳାଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ କରାଇବ । ଅନ୍ୟପଟେ ରାଜ୍ୟ ସଭାପତି ମନମୋହନ ସାମଲ ମଧ୍ୟ ପ୍ରାର୍ଥୀ ହୋଇପାରନ୍ତି ବୋଲି ଆଲୋଚନା ସମାଲୋଚନା ଲାଗି ରହିଛି । ହେଲେ ବର୍ତ୍ତମାନର ଚର୍ଚ୍ଚା କିଛି ଭିନ୍ନ ମୋଡ ନେଇଛି । ହଁ ଆଜ୍ଞା ମେ ଫେୟାର ମାଲିକ ଦିଲ୍ଲୀପ ରାୟଙ୍କୁ ଭାରତୀୟ ଜନତା ପାର୍ଟି ମୁଖ୍ୟମନ୍ତ୍ରୀ ପ୍ରାର୍ଥୀ କରାଇପାରେ ବୋଲି ସୂଚନା ମିଲିଛି । 24 ନିର୍ବାଚନରେ ପୁଣିଥରେ ରାଜନୀତି ମଇଦାନକୁ ଦିଲ୍ଲୀପ ରାୟ ଏଣ୍ଟ୍ରି ମାରିଥିବା ବେଳେ । ବିଜେପି ତାଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ କରାଇ କିଛି ଭିନ୍ନ ରଣନୀତି ପ୍ରସ୍ତୁତ କରିପାରେ । ଦୀର୍ଘ ବର୍ଷ ପର୍ଯ୍ୟନ୍ତ ଦିଲ୍ଲୀପ ଲୋକମାନଙ୍କ ସେବା କରିଛନ୍ତି । ଏବଂ ପୁଣିଥରେ ମଇଦାନକୁ ଓହ୍ଲାଇବା ପରେ ଏବେ ନିଜର ଜନସମ୍ପର୍କ ମଧ୍ୟ ବୃଦ୍ଧି କରାଇବାରେ ଲାଗିଛନ୍ତି । ତେବେ ପରିବର୍ତ୍ତନର ନାରା ଦେଉଥିବା ଭାରତୀୟ ଜନତା ପାର୍ଟି ନିଜ ଦଳର ଜଣେ ଓଡିଆଙ୍କୁ ହିଁ ମୁଖ୍ୟମନ୍ତ୍ରୀ ପ୍ରାର୍ଥୀ କରାଇବ ବୋଲି କହିସାରିଥିବା ବେଳେ ଚର୍ଚ୍ଚାକୁ ମଧ୍ୟ ଦିଲ୍ଲୀପ ରାୟଙ୍କ ନାମ ଆସୁଛି । ତେବେ କେଉଁଦିନ ବିଜେପି ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବ ଆଉ କାହାକୁ କରିବ ତାହାର ଅପେକ୍ଷା ।
