By ରାତିରେ ଗୋଟିଏ ବୋଲେରୋ ଗାଡ଼ିରେ ଚୋରା ମଦ ଚାଲାଣ ହେଉଥିବା ଖବର ପାଇ ବେଗୁନିଆପଡା ପୋଲିସ ପିଛା କରିଥିଲା । ଖଲ୍ଲିକୋଟ ଥାନା ଅଂଚଳରୁ ଉକ୍ତ ବୋଲେରୋ ଆସି ଅଙ୍ଗାରଗାଁ କେନାଲ ରାସ୍ତାରେ ଯିବା ବେଳେ ଚନ୍ଦନପୁର ମନ୍ଦିର ନିକଟରେ ଉକ୍ତ ଗାଡିକୁ ପୋଲିସ ଅଟକାଇ ଥିଲା । ପୋଲିସକୁ ଦେଖି ଉକ୍ତ ଗାଡିର ଡ୍ରାଇଭର ଧୀରେସ ସ୍ୱାଇଁ ଗାଡିର ଗତି ବଢ଼ାଇ କନେଷ୍ଟବଳ ରଂଜିତ କୁମାର ବେହେରା ଓ ହୋମଗାର୍ଡ ବଳରାମ ମାଝୀଙ୍କ ବାଇକକୁ ଧକ୍କା ଦେଇ ଚମ୍ପଟ ମାରିଥିଲେ । ଏହା ପରେ ପୋଲିସ ଉକ୍ତ ଗାଡିକୁ ପିଛା କରି ସିଂହାଶନି ଜଙ୍ଗଲରୁ ଧରିଥିଲେ । ଚୋରା ମଦ ନେଇ ଯାଉଥିବା ଅଙ୍ଗାରଗାଁର ବସନ୍ତ ବେହେରା ଫେରାର ହୋଇଯାଇଥିବା ବେଳେ ଗାଡି ଚଲାଉ ଥିବା ଧୀରେସ ସ୍ୱାଇଁ ଙ୍କୁ ଗିରଫ କରିବା ସହ ଉକ୍ତ ଗାଡ଼ିରେ ଥିବା 240 ଲିଟର ଚୋରା ମଦ ପାଉଚି କୁ ଜବତ କରିଥିଲେ ପୋଲିସ । ଅନ୍ୟ ପଟେ କନେଷ୍ଟବଳ ରଂଜିତ ଓ ହୋମ ଗାର୍ଡ ବଳରାମ କୁ ପ୍ରଥମେ କୋଦଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ଏମ କେ ସି ଜି ମେଡିକାଲ କୁ ସ୍ଥାନାନ୍ତରିତ କରାଯାଇଥିଲା । ହୋମ ଗାର୍ଡଙ୍କ ଅବସ୍ଥା ଭଲ ଥିବା ବେଳେ କନେଷ୍ଟବଳ ରଂଜିତଙ୍କ ଗୋଡ଼ରେ ଭୀଷଣ ଆଘାତ ଲାଗିବା ସହ ଗୁରୁତର ଅଛନ୍ତି ।
