ମଞ୍ଚରେ ହଟ୍ଟହଟ୍ଟା ମୁଖ୍ୟମନ୍ତ୍ରୀ

ଅହୋରାତ୍ର ଧାରଣାରେ ନବରଙ୍ଗପୁର ଚାଷୀ ସଂଘ

ଉତ୍ସବରେ ମାତିଛନ୍ତି ମୋହନ ଚାଷୀ ହନ୍ତସନ୍ତ

ଚାଷୀଙ୍କୁ ଲୁଟି ଜନ୍ମଦିନ ପାଳୁଛି ବିଜେପି ସରକାର

ଲୋକେ କହିଲେ ମୋହନଙ୍କ ମୁହଁକୁ ଲାଜ ନାହିଁ

କଥା ଦେଇ ଠକି ଦେଲେ ଡବଲ ଇଞ୍ଜିନ ସରକାର । ନିର୍ବାଚନ ପୂର୍ବରୁ ବଡ ବଡ କଥା କହିଲେ ଆଉ ନିର୍ବାଚନରେ ପରେ ସାଧାରଣ ଜନତାଙ୍କୁ ଭୂଆଁ ବୁଲାଉଛନ୍ତି । ନିଜକୁ ଲୋକଙ୍କ ସରକାର କହୁଥିବା ଭାରତୀୟ ଜନତା ପାର୍ଟି ଏବେ ସେହି ଲୋକମାନଙ୍କୁ ଅଣଦେଖା କରୁଛନ୍ତି । ଆଜକୁ ତିନିଦିନ ହେବ ନବରଙ୍ଗପୁର ଚାଷୀ ସଂଘ ଲୋୟର ପିଏମଜିରେ ଅହୋରାତ୍ର ଧାରଣାରେ ବସିଛନ୍ତି । ଦୀର୍ଘ ଚାରିମାସ ହୋଇଯିବ ଚାଷୀଙ୍କୁ ସେମାନଙ୍କ ପ୍ରାପ୍ୟ ମିଳିନାହିଁ । ଧାନମଣ୍ଡିରେ ଧାନ ବିକ୍ରି କରିଥିଲେ ସୁଦ୍ଧା ସରକାର ଏବେ ପର୍ଯ୍ୟନ୍ତ ତାଙ୍କୁ ଟଙ୍କା ଦେଇନାହାନ୍ତି । ନିର୍ବାଚନ ପୂର୍ବରୁ ଧାନର ଏମସପି ବୃଦ୍ଦି କରିବା ନେଇ ପ୍ରତିଶ୍ରୁତି ଦେଇଥିଲେ ମୋହନ ସରକାର । ଏବଂ ସରକାରକୁ ଆସିବା ପରେ ନିଜର ପ୍ରତିଶ୍ରୁତି ପୂରଣ କରିଛନ୍ତି ବୋଲି କହିବୁଲିଲେ । ହେଲେ ଦୀର୍ଘ ତିନିଦିନ ହେବ ଧାରଣାରେ ବସିଥିବା ଏହି ଚାଷୀଙ୍କ ଅବସ୍ଥା ଦେଖିଲେ ଏ ସରକାରଙ୍କ ଅସଲ ଚେହେରା ପଦାରେ ପଡିଛି । ଶୁଣନ୍ତୁ କଣ କହୁଛନ୍ତି ଲୋୟର ପିଏମଜିରେ ଧାରଣାରେ ବସିଥିବା ଏ ଚାଷୀ ଜଣଙ୍କ ।

ଚାଷୀଙ୍କ କହିବା ଅନୁଯାୟୀ ନବରଙ୍ଗପୁରରେ ବାରମ୍ୱାର ଧାରଣା ଦେଇଥିଲେ ସୁଦ୍ଧା ସରକାର ଏହାକୁ କର୍ଣ୍ଣପାତ କରିନଥିଲେ ଯାହାଫଳରେ ବାଧ୍ୟ ହୋଇ ତାଙ୍କୁ ରାଜଧାନୀର ଗାନ୍ଧୀ ମାର୍ଗରେ ଆସି ଧାରଣା ଦେବା ପାଇଁ ପଡିଲା ତଥାପି ଏ ସରକାର ସବୁ ଜାଣିଶୁଣି ଅନ୍ଧ ପାଲଟିଛନ୍ତି । ଆଉ ମାତ୍ର କେଇଟା ଦିନ ପରେ ମୋହନ ସରକାର ନିଜର ପ୍ରଥମ ଜନ୍ମଦିନ ପାଳିବେ । ରାଜ୍ୟ ସାରା ମୋହନଙ୍କ ଭଲକାମର ଚର୍ଚ୍ଚା ହେବ । ନିଜର ସଫଳତାର ରିପୋର୍ଟ କାର୍ଡ ଧରି ସରକାର ଲୋକଙ୍କ ପାଖରେ ପହଞ୍ଚିବା ପାଇଁ ପ୍ରସ୍ତୁତି ଆରମ୍ଭ କରିଥିବା ବେଳେ ରାଜଧାନୀରେ ଚାଷୀଙ୍କ ଧାରଣା ମୋହନଙ୍କୁ ଅଡୁଆରେ ପକାଇଛି । ତେବେ ଦେଖିବାକୁ ବାକି  ରହିଲା କେବେ ଚାଷୀଙ୍କ ଦାବି ପୂରଣ କରି ନିଜର ପ୍ରତିଶ୍ରୁତି ରକ୍ଷା କରୁଛନ୍ତି ମାଝୀ ସରକାର ।