ମତେ ଷଡ଼ଯନ୍ତ୍ର କରି ଫସେଇବାକୁ ଚାହୁଁଥିଲେ

ଗାନ୍ଧୀ ଜୟନ୍ତୀ ଅବସରରେ ଗାନ୍ଧୀଜିଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ । ମାହାଙ୍ଗା ବିଜେଡି ପକ୍ଷରୁ ଗାନ୍ଧୀ ଜୟନ୍ତୀ ଅବସରରେ ଜନ ସଂପର୍କ ପଦଯାତ୍ରା ବିରୂପା ଗେଙ୍ଗୁଟା ଦ୍ଵୀପାଞ୍ଚଳ ଭେଢ଼ା ପଞ୍ଚାୟତ ରାମକୃଷ୍ଣପୁରଠାରୁ ଆରମ୍ଭ ହୋଇ କଇଥା ଶିକ୍ଷାଶ୍ରମରେ ଶେଷ ହୋଇଥିଲା। ଏଥିରେ ପୂର୍ବତନ ମନ୍ତ୍ରୀ ପ୍ରତାପ ଜେନାଙ୍କ ନେତୃତ୍ବରେ ବିଜେଡି କର୍ମୀ ସାମିଲ ହୋଇଥିଲେ । ଏହି ଅବସରରେ ଜଟାଧାରୀ ସଂସ୍କୃତ ଉଚ୍ଚ ବିଦ୍ୟାଳୟ ପରିସରରେ ଥିବା ଗାନ୍ଧୀଜିଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଦେଇ ସେଠାରୁ ୫ କିମି ଦୂର କଇଥା ଗାନ୍ଧୀ ଶିକ୍ଷାଶ୍ରମକୁ ପଦଯାତ୍ରାରେ ଯାଇଥିଲେ ଶ୍ରୀ ଯୁକ୍ତ ପ୍ରତାପ ଜେନା ।

ରାଜ୍ୟରେ ବିଜେପି ସରକାର ଶହେ ଦିନ ପୂରଣ କରିଥିବା ବେଳେ ଅତ୍ୟାବଶକୀୟ ସମାଗ୍ରୀର ର ଦରବୃଦ୍ଧି ରୋକିବାରେ ମୋହନ ସରକାର ବିଫଳ ହୋଇଛନ୍ତି ବୋଲି ଶ୍ରୀ ଯୁକ୍ତ ପ୍ରତାପ ଜେନା କହିଥିଲେ । ଏହା ସହିତ ତାଙ୍କ ଷଡ଼ଯନ୍ତ୍ର କରି ଫସେଇ ଦେବାକୁ ଉଦ୍ୟମ ହୋଇଥିଲା ବୋଲି ଶ୍ରୀ ଯୁକ୍ତ ପ୍ରତାପ ଜେନା କହିଥିଲେ ।

ସେହିପରି ପଦଯାତ୍ରାରେ ମାହାଙ୍ଗା ବ୍ଲକ ଉପାଧ୍ଯକ୍ଷ ସତ୍ୟ ନାରାୟଣ ମହାନ୍ତି, ନିଶ୍ଚିତକୋଇଲି ବ୍ଲକ ଉପାଧ୍ଯକ୍ଷ ଅଶୋକ କୁମାର ଓଝା, ବ୍ଳକ୍ ବିଜେଡି ସଭାପତି ରାଜ କିଶୋର ଜେନା, ଛାତ୍ରନେତା ତ୍ରିନଥ ଜେନା, ଜିଲ୍ଲା ପରିଷଦ ସଭ୍ୟ ରିଆଜୁଲ ହେଦ, ଜଗବନ୍ଧୁ ସେଠୀ, ଜିଲ୍ଲା ପରିଷଦ ସଭ୍ୟା ସୁସ୍ମିତା ଦାସ ,ପ୍ରମୁଖ ଉପସ୍ଥିତ ଥିଲେ ।