By ଆଟାକିଂ ମୋଡରେ ବିଜେଡି ନେତା । ଗଣମାଧ୍ୟମ ଆଗରେ ବିଜେପି ନେତାଙ୍କୁ ଦେଉଛନ୍ତି ଖୋଲାଖୋଲି ଚ୍ୟାଲେଞ୍ଜ । ଗାନ୍ଧୀ ଜୟନ୍ତୀରୁ ବିଜେଡି ନିଜର ଜନ ସମ୍ପର୍କ ପଦ ଯାତ୍ରା ଆରମ୍ଭ କରିଥିବା ବେଳେ ଏହି ଯାତ୍ରା ମାଧ୍ୟମରେ ବିଜେଡି ନେତାମାନେ ଫୁଲ ଆକ୍ଟିଭ ହୋଇପଡିଛନ୍ତି । ଜଣଙ୍କ ପରେ ଜଣେ ନେତା ଆସି ବିଜେପି ଏବଂ ମୋହନ ସରକାରଙ୍କୁ ଚ୍ୟାଲେଞ୍ଜ ଦେଉଛନ୍ତିା ପ୍ରଥମେ ବବି ଦାସ ଯାଜପୁରରୁ ମୋହନଙ୍କୁ ଚ୍ୟାଲେଞ୍ଜ ଦେଇଥିଲେ ଆଉ ଏବେ ଘସିପୁରା ବିଧାୟକ ବଦ୍ରି ପାତ୍ର ରାଜ୍ୟ ବିଜେପି ସଭାପତି ମନମୋହନ ସାମଲଙ୍କୁ ଖୋଲା ଚ୍ୟାଲେଞ୍ଜ ଦେଇଛନ୍ତି । ତେବେ ସେ କହିଛନ୍ତି ଯେ. ଯଦି ତାକତ୍ ଅଛି ତେବେ ବିଜେଡିର ଭାଡି ଖାଲି କରି ଦେଖାଓ ବୋଲି ଆହ୍ୱାନ ଦେଇଛନ୍ତି । ତେବେ ୨ ରାଜ୍ୟସଭା ସାଂସଦ ବିଜେଡି ଛାଡ଼ି ବିଜେପିରେ ମିଶିବା ପରେ ଧୀରେ ଧୀରେ ବିଜେଡିର ଭାଡ଼ି ଖାଲି ହୋଇଯିବ ବୋଲି କହିଥିଲେ ମନମୋହନ। ସେହି ପ୍ରସଙ୍ଗରେ ବରିଷ୍ଠ ବିଜେଡି ନେତା ବଦ୍ରି ପାତ୍ର କହିଛନ୍ତି, ଯଦି ତାକତ୍ ଅଛି ତ ବିଜେଡିକୁ ଖାଲି କରିକି ଦେଖାଅ? ବହୁତ ଲୋକ ଅନେକ କଥା କହିବେ। କିଏ କହିଲା ବେଳେ ଆମେ ଛିଡ଼ା ହୋଇ କ’ଣ କାହା ମୁହଁ ବନ୍ଦ କରିବୁ? ଏହି ସବୁ ନିରର୍ଥକ କଥା କହିବାର କିଛି ଅର୍ଥ ନଥାଏ ।
