By ୱାୟାନାଡା ଲୋକସଭା ସିଟକୁ ନେଇ ବିଜେପି ଖେଳିଲା ବଡ ଗେମ । କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କ ବିରୋଧରେ ମଇଦାନକୁ ଓହ୍ଲାଇବେ ନାଭ୍ୟା ହରିଦାଶ । ତେବେ କିଏ ଏହି ନାଭ୍ୟା ହରିଦାଶ କାହିଁକି ନାଭ୍ୟାଙ୍କୁ ଟିକେଟ ଦେଲା ଭାରତୀୟ ଜନତା ପାର୍ଟି । ହଁ ଦର୍ଶକବନ୍ଧୁ ୱାୟାନାଡାରେ ଆମନା ସାମନା ହେବେ ନାଭ୍ୟା ଓ ପ୍ରିୟଙ୍କା । ମହାରାଷ୍ଟ୍ର ଓ ଝାଡଖଣ୍ଡ ବିଧାନସଭା ନିର୍ବାଚନ ସହ ଦୁଇଟି ଲୋକସଭା ଆସନରେ ଉପନିର୍ବାଚନ ଅନୁଷ୍ଠିତ ହେବ । ତା ମଧ୍ୟରୁ ଗୋଟିଏ ହେଲା କେରଳର ୱାୟାନାଡା ଆସନ । ଲୋକସଭା ନିର୍ବାଚନ ସମୟରେ ବିରୋଧି ଦଳ ନେତା ରାହୁଲ ଗାନ୍ଧୀ ଏଠାରୁ ନିର୍ବାଚନ ଲଢିଥିଲେ ଏବଂ ଜିତିଥିଲେ କିନ୍ତୁ ଉତ୍ତର ପ୍ରଦେଶର ରାୟୱେଲି ଆସନକୁ ସେ ବଜାୟ ରଖିଥିବାରୁ ଏହି ଆସନ ଖାଲି ପଡିଛି ଏବଂ ଏଠାରେ ଉପନିର୍ବାଚନ ହେବାକୁ ଯାଉଛି । କଂଗ୍ରେସରୁ ପ୍ରିୟଙ୍କା ଗାନ୍ଧୀ ପ୍ରାର୍ଥୀ ହୋଇଥିବା ବେଳେ ବିଜେପି ପ୍ରିୟଙ୍କାଙ୍କୁ ଟକ୍କର ଦେବା ପାଇଁ ଏପରି କିଛି ପ୍ଲାନ ପ୍ରସ୍ତୁତ କରିଛି । ୱାୟାନାଡା ଭଳି ଏକ ହଟ ସିଟରୁ ବିଜେପି ନାଭ୍ୟା ହରିଦାଶଙ୍କୁ ପ୍ରାର୍ଥୀ କରାଇଛି । ନାଭ୍ୟା ହରିଦାଶ ହେଉଛନ୍ତି ବିଜେପି ମହିଳା ମୋର୍ଚ୍ଚାର ରାଜ୍ୟ ସଂପାଦକ । ସେ ନିଗମରେ ବିଜେପି ସଂସଦୀୟ ଦଳର ନେତା ଅଟନ୍ତି । ସେ ଇଞ୍ଜିନିୟ ଭାବେ କାର୍ଯ୍ୟ କରୁଥିବା ବେଳେ 2021 ମସିହାରେ ବିଧାନସଭା ନିର୍ବାଚନ ଲଢିଥିଲେ ଏବଂ ପରାଜୟ ସ୍ୱୀକାର କରିଥିଲେ । ତେବେ ପ୍ରିୟଙ୍କା ଗାନ୍ଧୀ ଭଦ୍ରା ସକ୍ରିୟ ରାଜନୀତିରେ ଥିଲେ ସୁଦ୍ଧା ସେ କେବେ ବି ନିର୍ବାଚନ ଲଢିନଥିଲେ । ପ୍ରଥମ ଥର ପାଇଁ ମଇଦାନକୁ ଓହ୍ଲାଇଛନ୍ତି ଏବଂ ୱାୟାନାଡା ଭଳି ଏକ ହଟ ସିଟରୁ ପ୍ରାର୍ଥୀ ହୋଇଛନ୍ତି । ତେବେ କଂଗ୍ରେସର ୱାୟାନାଡା ଲୋକସଭା ପ୍ରାର୍ଥୀ ଭାବେ ବିଧିବଦ୍ଧ ଭାବେ ପ୍ରିୟଙ୍କାଙ୍କ ନାମ ଘୋଷଣା ସରିଛି । ତେବେ ଦେଖିବାକୁ ଅପେକ୍ଷା ପ୍ରିୟଙ୍କାଙ୍କୁ ଟକ୍କର ଦେବାକୁ ମୋଦି କରିଥିବା ଗେମ ପ୍ଲାନ କେତେ ସକସେସ ହେଉଛି ।
