ରାଜନୀତିକୁ ନେଇ ପଞ୍ଜିକାରେ ଲେଖାହୋଇଛି ବଡ କଥା !

ଖୁବଶୀଘ୍ର ପୁଣି ବଦଳିବ ରାଜ୍ୟ ରାଜନୀତିର ଚିତ୍ର । ରାଜନୈତିକ କ୍ଷେତ୍ରରେ ହେବ ଏକ ବିରାଟ ପରିବର୍ତନ । ହଁ ଆଜ୍ଞା, ଏକଥା ଆମେ କହୁନୁ ଅସଲି ଖଡିରତ୍ନ ପଞ୍ଜିକାରେ ଯାହା ଉଲ୍ଲେଖ ରହିଛି ଆମେ ସେଇୟା କହୁଛୁ । ଓଡିଶାକୁ ମାଡି ଆସୁଥିବା ସାମ୍ଭାବ୍ୟ ବାତ୍ୟା ଦାନାକୁ ନେଇ ନାନା ଆଲୋଚନା ପର୍ଯ୍ୟାଲୋଚନା ପରେ ଶେଷରେ ଅସଲି ଖଡିରତ୍ନ ପଞ୍ଜିକାରେ ଓଡିଶାକୁ ଭୟଙ୍କର ବାତ୍ୟା ମାଡି ଆସୁଥିବା ସ୍ପଷ୍ଟ ହୋଇଥିଲା । ଏବଂ ଏହା ପୂର୍ବରୁ ପଞ୍ଜିକାରେ ଲିଖିତ ହୋଇଥିବା ବେଳେ ଏଥିପ୍ରତି କାହାର ଦୃଷ୍ଟି ପଡିନଥିଲା । କିନ୍ତୁ ଏବେ ଏହି ଖବର ସାମ୍ନାକୁ ଆସିବା ପରେ ପଞ୍ଜିକା ଉପରେ ସମସ୍ତେ ବିଶ୍ୱାସ କରୁଛନ୍ତିା ଏବଂ ଏହାକୁ ନେଇ ଏବେ ସବୁଆଡେ ଚହଳ ମଧ୍ୟ ପଡିଛି । କାରଣ ପଞ୍ଜିକାରେ ଯାହା ଉଲ୍ଲେଖ ରହିଛି ସେସବୁ ଗୋଟିଏ ପରେ ଗୋଟିଏ ସତ୍ୟ ହେଉଛି । ଆଉ ଏବେ ବାତ୍ୟାକୁ ନେଇ ଯାହା କୁହାଯାଇଛି ତାହା ମଧ୍ୟ ଧୀରେ ଧୀରେ ସତ ହେଉଛି । କିନ୍ତୁ ବାତ୍ୟା ସହ ଏଥିରେ ରାଜନୀତିକୁ ନେଇ ଆହୁରି ଅନେକ କଥା ଉଲ୍ଲେଖ କରାଯାଇଛି । ଆଗକୁ ରାଜ୍ୟ ରାଜନୀତିର ଶାସନରେ ପରିବର୍ତନ ଘଟିବାର ସମ୍ଭାବନା ରହିଥିବା ଅସଲି ଖଡିରତ୍ନ ପଞ୍ଜିକାରେ ଉଲ୍ଲେଖ କରାଯାଇଛି । ଯାହାକୁ ନେଇ ଏବେ ରାଜ୍ୟ ରାଜନୀତିରେ ବି ଉଷ୍ମତା ଦେଖାଦେଇଛିା କାରଣ ଓଡିଶାରେ ଚଳିତ ବର୍ଷ ସରକାର ପରିବର୍ତନ ହୋଇଥିବା ବେଳେ ଏବେ ବି ଅନେକ ଏହାକୁ ଗ୍ରହଣ କରୁନାହାନ୍ତିା ଏବଂ ବିଜେପିର ଶାସନ ବ୍ୟବସ୍ଥାକୁ ନେଇ ଅନେକ ସମସ୍ୟା ଉପୁଜୁଛି । ସତେ ଯେମିତି ଓଡିଶାରେ ସରକାର ହିଁ ନାହାନ୍ତିା ପ୍ରତ୍ୟେକ କ୍ଷେତ୍ରରେ ଲୋକେ ହନ୍ତସନ୍ତ ହେଉଛନ୍ତି କିନ୍ତୁ ସରକାର ଏକଦମ୍ ଚୁପ୍ । ଆଉ ଏହାକୁ ନେଇ ଏ ସରକାର ବେଶି ଦିନ ନୁହେଁ ବୋଲି ବିରୋଧୀଙ୍କ ସହ ରାଜନୈତିକ ମହଲରେ ମଧ୍ୟ ଚର୍ଚ୍ଚା ହେଉଛି । ଆଉ ଏବେ ତ ଏହା ପଞ୍ଜିକାରେ ବି ଉଲ୍ଲେଖ କରାଯାଇଛି । ଯେ ପୂର୍ବ ଭାଗରେ ରାଜ୍ୟ ଶାସନ ପରିବର୍ତନ ଘଟିବାର ସମ୍ଭାବନା ରହିଛିା ଅନ୍ୟପଟେ ହାରିବା ପରେ ବି ବିଜେଡି ଜମା ଚୁପ୍ ବସିନି । ଲୋକ ସମ୍ପର୍କ ବଢାଇବା ସହ ଲୋକମାନଙ୍କ ସାଥିରେ ଛିଡା ହୋଇଛି । ଏବଂ ଶକ୍ତ ବିରୋଧୀର ଭୂମିକା ତୁଲାଉଛି । ଯାହାକୁ ନେଇ ଉପନିବାଚନରେ ସ୍ଥିତି ବଦଳିବାର ସମ୍ଭାବନା ଥିବା ଆକଳନ କରାଯାଉଥିଲା । ଆଉ ଏବେ ପଞ୍ଜିକା ମଧ୍ୟ ସେହି ଦିଗକୁ ଇସାରା ଦେଉଛି । ତେବେ ଦେଖାଯାଉ ଅସଲି ଖଡିରତ୍ନ ପଞ୍ଜିକାରେ ଉଲ୍ଲେଖ ଥିବା ଭବିଷ୍ୟବାଣୀ କେତେ ସତ ହେଉଛି ଏବଂ ଆଗକୁ ରାଜ୍ୟରାଜନୀତିରେ କେଉଁ ପରିବର୍ତନ ଆସୁଛି ତାହା ଦେଖିବାକୁ ଅପେକ୍ଷା ।