By 500 ବର୍ଷର ଅପେକ୍ଷାର ଘଟିବ ଅନ୍ତ । ବନବାସ ସାରି ଆଜି ଅଯୋଧ୍ୟାକୁ ଫେରୁଛନ୍ତି ପ୍ରଭୁ ଶ୍ରୀରାମ । ଅଯୋଧ୍ୟାର ଭବ୍ୟ ମନ୍ଦିରରେ ପ୍ରତିଷ୍ଠିତ ହେବେ ରାମଲାଲା । ଯେଉଁଥିପାଇଁ ଚଳଚଞ୍ଚଳ ଅଯୋଧ୍ୟାନଗରୀ । ଦେଶ ବିଦେଶରୁ ବହୁ ଅତିଥି ଏବଂ ଭକ୍ତଙ୍କ ସୁଅ ଛୁଟୁଛି । ସାଧାରଣ ଲୋକଙ୍କୁ ଅଯୋଧ୍ୟା ନ ଯାଇ ଦୂରରେ ରହି ପ୍ରାଣ ପ୍ରତିଷ୍ଠାର ଭବ୍ୟ ସମାରୋହକୁ କିପରି ଦେଖିପାରିବେ ତାହାର ବ୍ୟବସ୍ଥା କେନ୍ଦ୍ର ସରକାର କରିଛନ୍ତି । ଏହି ଐତିହାସିକ କାର୍ଯ୍ୟକ୍ରମର ଲାଇଭ ଷ୍ଟ୍ରିମକୁ ଦେଶବାସୀ ନିଜ ଘରେ ବସି ଟିଭି ମାଧ୍ୟମରେ ଦେଖିପାରିବେ । ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମର ସିଧା ପ୍ରସାରଣ ଦୂରଦର୍ଶନର ସବୁ ଚ୍ୟାନେଲରେ କରାଯିବ । ଏଥିସହ ନରେନ୍ଦ୍ର ମୋଦିଙ୍କ ୟୁ-ଟ୍ୟୁବ ଚ୍ୟାନେଲରେ ବି ଏହି କାର୍ଯ୍ୟକ୍ରମର ଲାଇଭ୍ ଷ୍ଟ୍ରିମ୍ କରାଯିବ ।
