ଗଜପତି ଜିଲ୍ଲା ମୋହନା ବ୍ଳକ ଚାନ୍ଦିପୁଟ ପଞ୍ଚାୟତ ସରପଞ୍ଚ କନକଲତା ପାଲ୍ ଙ୍କୁ ଅଯୋଗ୍ୟ ଘୋଷଣା କରିଛନ୍ତି ମୋହନା ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତର ବିଚାରପତି ଶୁଭଜିତ ବେହେରା l ଲେଖା ପଢା ଜାଣିନଥିବା ଯୋଗୁଁ ସରପଞ୍ଚଙ୍କ ବିରୋଧରେ ଅଦାଲତର ଆଶ୍ରୟ ନେଇଥିଲେ ତାଙ୍କ ପ୍ରତିଦ୍ବନ୍ଦି ଲଳିତା ବଡରଇତ l ଏହାର ରାୟ ଶୁଣାଇଛନ୍ତି ମାନ୍ୟବର ବିଚାରପତି l ଗତ 2022 ପଞ୍ଚାୟତ ନିର୍ବାଚନରେ ଚାନ୍ଦିପୁଟ ପଞ୍ଚାୟତ ସରପଞ୍ଚ ପଦବୀ ପାଇଁ କନକଲତା ପାଲ, ଲଳିତା ବଡ଼ରଇତଙ୍କ ସହ ୫ ଜଣ ପ୍ରତିଦ୍ବନ୍ଦୀତା କରିଥିଲେ l ତେବେ ପ୍ରାର୍ଥୀପତ୍ର ଯାଞ୍ଚ ବେଳେ କନକଲତା ଲେଖାପଢ଼ା ଜାଣୁନାହାନ୍ତି ତେଣୁ ତାଙ୍କ ପ୍ରାର୍ଥୀପତ୍ର ନାକଚ ପାଇଁ ବିଡ଼ିଓଙ୍କ ନିକଟରେ ଅଭିଯୋଗ କରିଥିଲେ ଲଳିତା l ସେତେବେଳେ ବିଡ଼ିଓ ଏହି ଅଭିଯୋଗକୁ ଖାରଜ କରିଦେଇଥିଲେ l ନିର୍ବାଚନ ପରେ କନକଲତା ଅଧିକ ଭୋଟ ପାଇ ସରପଞ୍ଚ ଭାବେ ନିର୍ବାଚିତ ହୋଇଥିଲେ l ଏହାପରେ ଲଳିତା ଏନେଇ ଅଦାଲତର ଆଶ୍ରୟ ନେଇଥିଲେ l ନିର୍ବାଚନ ପିଟିସନ କେସ ନମ୍ବର ୮/୨୨ରେ ମାମଲାର ବିଚାରଣ ଆରମ୍ଭ ହୋଇଥିଲା l ଅଭିଯୋଗ କାରି ଲଳିତାଙ୍କ ପକ୍ଷରୁ ଆଇନଜୀବୀ ସନ୍ତୋଷ ପାଢ଼ୀ ମୋକଦମl ପରିଚାଳନା କରିଥିବା ବେଳେ ସରପଞ୍ଚ କନକଲତା ଙ୍କ ପକ୍ଷରୁ ଆଇନଜୀବୀ ସୂଚିତ ନାୟକ, ସୁଶାନ୍ତ ମଲ୍ଲିକ ପରିଚାଳନା କରିଥିଲେ l ଦୀର୍ଘ ଦୁଇ ବର୍ଷ ବିଚାରଣ ପରେ ଏହାର ରାୟ ଶୁଣାଇଛନ୍ତି ମୋହନା ମାନ୍ୟବର ବିଚାରପତି l ବିଚାରଣ ବେଳେ ସରପଞ୍ଚ କନକଲତା କିଛି ପଢି ପାରିଥିବା ବେଳେ ଲେଖିପାରିନଥିଲେ l ତେଣୁ ମାନ୍ୟବର କୋର୍ଟ ସମସ୍ତ ସାଖ୍ୟ ପ୍ରମାଣକୁ ଆଧାର କରି ସରପଞ୍ଚଙ୍କୁ ଅଯୋଗ୍ୟ ଘୋଷଣା କରିବା ସହ ପୁନଃ ନିର୍ବାଚନ ପାଇଁ ରାୟ ମିଳିଛି ବୋଲି ପ୍ରତିପକ୍ଷ ଲଳିତାଙ୍କ ଓକିଲ ସନ୍ତୋଷ ପାଢ଼ୀ କହିଛନ୍ତି l ରାୟ ପ୍ରକାଶ ପରେ ଅଭିଯୋଗ କାରି ଲଳିତା ଖୁସି ବ୍ୟକ୍ତ କରିଛନ୍ତି, ଅନ୍ୟ ପକ୍ଷରେ ଏହି ରାୟ ବିରୋଧରେ ଉପର କୋର୍ଟ କୁ ଯିବି ବୋଲି କହିଛନ୍ତି କନକଲତା l
You can share this post!
author
Related Articles
ଚିନ୍ତାରେ ବିଜେପି,ନବୀନଙ୍କ କଥାରେ ହଁ ମାରିବେ ରାହୁଲ
- September 28, 2024
ମୁହଁ ଖୋଲିଲେ ବଦ୍ରି …ନବୀନଙ୍କୁ କହିଦେଲେ ବଡ କଥା !
- September 28, 2024
ପୁଣି ବଦଳିଲା ବିଜେଡିର ରଣନୀତି
- September 28, 2024