ଲୋକଙ୍କ ବିରୋଧରେ ପଛୁଆ ଧାଇଁଲେ ବିଧାୟିକା !

ଖଲ୍ଲିକୋଟ ବିଜେଡି ବିଧାୟିକା ସୂର୍ଯ୍ୟମଣି ବୈଦ୍ୟଙ୍କୁ ଗାଁ ଗାଁ ରେ ବିରୋଧ । ଗତ କିଛିଦିନ ହେଲା ଖଲ୍ଲିକୋଟ ନିର୍ବାଚନୀ ମଣ୍ଡଳୀର ବିଭିନ୍ନ ଗ୍ରାମରେ ପ୍ରଚାର ପ୍ରସାର କରିବାକୁ ଯାଉଥିବା ବିଧାୟିକା ସୂର୍ଯ୍ୟମଣି ବୈଦ୍ୟଙ୍କୁ ବିରୋଧ କରିବା ସହ ପ୍ରଶ୍ନ ପଚାରୁଛନ୍ତି ଗ୍ରାମବାସୀ। ସେହିପରି ଶୁକ୍ରବାର ଅପରାହ୍ନରେ ପ୍ରଚାର ପ୍ରସାର କରିବାକୁ ଯାଇଥିବା ବିଧାୟିକାଙ୍କୁ ବିରୋଧ କରିଥିବା ଘଟଣା ଦେଖିବାକୁ ମିଳିଛି ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ଭାଟକୁମରଡ଼ା ଗ୍ରାମରେ । ସୂଚନା ଯୋଗ୍ୟ ଯେ, ଖଲ୍ଲିକୋଟ ନିର୍ବାଚନୀ ମଣ୍ଡଳୀର ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ଭାଟକୁମରଡ଼ା ଗ୍ରାମକୁ ପ୍ରଚାର ନିମନ୍ତେ ଯାଇଥିଲେ । ହେଲେ ଗ୍ରାମର ବହୁ ମହିଳା ଓ ପୁରୁଷ ମାନେ ରାସ୍ତାରେ ମାଠିଆ ବାଲ୍ଟି ରଖି ପ୍ରତିବାଦ କରିଥିଲେ । ଗ୍ରାମର କୁମ୍ଭାର ସାହି ଛକ ଓ ବଡ଼ ସାହି ଛକ ନିକଟରେ ଏପରି ପ୍ରତିବାଦ କରିଥିବା ଦେଖିବାକୁ ମିଳିଛି। ବିଧାୟିକା ପ୍ରଶ୍ନ କରିଥିଲେ ଯେ ବିଗତ ପାଞ୍ଚ ବର୍ଷରେ କେତେ ଥର ଗ୍ରାମକୁ ଆସିଥିଲେ ଓ ଗ୍ରାମ ପାଇଁ କଣ କରିଛ । ସବୁଠାରୁ ବଡ଼ କଥା ହେଲା ଯେ ଗ୍ରାମକୁ ଆଜି ଯାଇ ପାଣିର କିଛିବି କରିନ ଏବେ ନିର୍ବାଚନ ଆସିଲେ ଭୋଟ ଭିକ୍ଷା କରିବାକୁ ଆସିଛ । କିଛି ସମୟ ପ୍ରତିବାଦ କରିଥିବା ବେଳେ ସ୍ଥାନୀୟ କୁଜି ନେତାମାନେ ଲୋକ ମାନଙ୍କୁ ରାସ୍ତାରୁ ହଟାଇ ଥିଲେ । ହେଲେ ଆଗାମୀ ଦିନରେ ଏହାର ଜବାବ ଦେବେ ବୋଲି ଶୁଣିବାକୁ ମିଳୁଛି।