By ସମଲିଙ୍ଗୀ ବିବାହକୁ ନେଇ ରାୟ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ । ସମଲିଙ୍ଗି ବିବାହ ଅନୈତିକ ନୁହେଁ ।
ପରିବାରଟିଏ ଗଢିବାକୁ ହେଲେ ଗୋଟିଏ ଜୀବନସାଥୀର ଆବଶ୍ୟକତା ରହିଥାଏ । ଜୀବନସାଥୀ ବାଛିବାର ଅଧିକାର ସମସ୍ତଙ୍କର ରହିଛି । ସେହି ଜୀବନସାଥୀ ସମଲିଙ୍ଗୀବି ହୋଇପାରେ । ସମଲିଙ୍ଗୀ ବିବାହକୁ ନ୍ୟାୟିକ ମାନ୍ୟତା ବୋଲି ଦାବି କରି ଆବେଦନ ଦାଖଲ ହୋଇଥିଲା । ଯାହାକୁ ନେଇ ୧୮ ଜଣ ସମଲିଙ୍ଗୀ ଯୋଡିଙ୍କ ଦ୍ୱାରା କରାଯାଇଥିବା ଆବେଦନ ଉପରେ ଶୁଣାଣି କରିଛନ୍ତି ସୁପ୍ରିମେକୋର୍ଟଙ୍କ ୫ ଜଣିଆ ଖଣ୍ଡପୀଠ । ଏହାକୁ ନେଇ ମୁଖ୍ୟ ବିଚାରପତି କହିଛନ୍ତି ଯେ, ଏହି ପ୍ରସଙ୍ଗକୁ ନେଇ ସହମତି ଓ କିଛି ଅସହମତି ପ୍ରକାଶ ପାଇଛି । ଅବଶ୍ୟ ଜୀବନସାଥୀ ବାଛିବାର ଅଧିକାର ସମସ୍ତଙ୍କର ରହିଛି । ସମଲିଙ୍ଗୀ ସମ୍ପର୍କ କେବଳ ସହରୀ ଚିନ୍ତାଧାରା ଭିତରେ ସୀମିତ ହୋଇ ରହିନାହିଁ । ଗାଁର ଜଣେ କୃଷକ ଶ୍ରେଣୀର ମହିଳା ମଧ୍ୟ ସମଲିଙ୍ଗୀ ହେବାର ଦାବି କରିପାରେ ।
କିନ୍ତୁ ସେମାନଙ୍କୁ କୁଳୀନ କୁହାଯାଇପାରିବ ନାହିଁ । କାରଣ ଏହା କୌଣସି ମାନସିକ ବ୍ୟାଧୀ ନୁହେଁ ।ସେ ଆହୁରି ମଧ୍ୟ କହିଛନ୍ତି, ଆଜିଯାଏଁ ବିବାହର ଢାଞ୍ଚାରେ ପରିବର୍ତ୍ତନ ହୋଇଛି । ସତୀ ପ୍ରଥାରୁ ଆରମ୍ଭ କରି ବାଲ୍ୟ ବିବାହ ଯାଏଁ ବିବାହର ରୂପ ବଦଳିଛି । ଏହି କ୍ରମରେ ସମଲିଙ୍ଗୀ ବିବାହ ଆଉ ଏକ ପରିବର୍ତ୍ତନ ଅଟେ । ସମଲିଙ୍ଗୀ ସଂପର୍କ ଅନୈତିକ ନୁହେଁ ବୋଲି ରାୟ ଦେଇଛନ୍ତି ସୁପ୍ରିମକୋର୍ଟ ।
