By ଜାମ୍ମୁକାଶ୍ମୀର ରଜୋରୀ ଜିଲ୍ଲା ର ନରଲା ଗାଁ ରେ କିଛି ଆତଙ୍କବାଦୀ ଲୁଚି ରହିଥିବାର ଖବର ମିଳିଥିଲା । ଖବର ମିଳିବା ପରେ ଜାମ୍ମୁ ପୋଲିସ ସର୍ଚ୍ଚ ଅପରେସନ ଜାରି କରିଥିଲେ । ସର୍ଚ୍ଚ ଅପରେସନ୍ ସମୟରେ ଅଚାନକ ଗୁଳି ଚଳାଇବା ଆରମ୍ଭ କରିଦେଇଥିଲେ ଆତଙ୍କବାଦୀ । ଏହି ଗୁଳି ବିନିମୟରେ ଜଣେ ଯବାନ ସହିଦ ହୋଇଥିବା ବେଳେ 3 ଜଣ ଯବାନ ଆହତ ହୋଇଛନ୍ତି । ଘଞ୍ଚ ଜଙ୍ଗଲର ସାହାରା ନେଇ ଆତଙ୍କବାଦୀମାନେ ଲୁଚି ରହିଥିଲେ । ପରେ ସେହି ଅଞ୍ଚଳକୁ ଘେରାବନ୍ଦି କରାଯିବା ସହ ଆତଙ୍କବାଦୀଙ୍କୁ ଖୋଜିବା ପାଇଁ ୨୧ଟି ଡଗ୍ ୟୁନିଟିକୁ ଏହି ସର୍ଚ୍ଚ ଅପରେସନରେ ସାମିଲ କରାଯାଇଥିଲା । ଏହି ସର୍ଚ୍ଚ ଅପରେସନରେ ଗୋଟିଏ ୟୁନିଟ୍ ସେନାଙ୍କ ନେତୃତ୍ୱ ନେଇଥିଲା କୁକୁର କେଣ୍ଟ୍ । ଏବଂ ସବୁଠୁ ବଡ ଦୁଖଃ ର ବିଷୟ ଯେ ଅଚାନକ ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଲାଇଥିଲେ । ଏହି ଗୁଳିବିନିମୟରେ କେଣ୍ଟ୍ ତାଙ୍କ ସାଥୀ ଯବାନ ମାନଙ୍କ ଜୀବନ ବଞ୍ଚାଇବା କୁ ଯାଇ ନିଜେ ସହିଦ୍ ହୋଇଯାଇଛି ।
