ସୂର୍ଯ୍ୟବଂଶୀଙ୍କ ଠାରୁ ଆଶା ହରାଉଛନ୍ତି ସାଧାରଣ ଜନତା !

ରାଜ୍ୟ ରାଜନୀତିର ସବୁଠୁ ଚର୍ଚ୍ଚିତ ଯୁବ ନେତା ହେଉଛନ୍ତି ଧାମନଗର ବିଧାୟକ ସୂର୍ଯ୍ୟବଂଶୀ ସୂରଜ । ତାଙ୍କ କଥା ଏବଂ ତାଙ୍କ କାମ ପାଇଁ ସେ ସବୁବେଳେ ଚର୍ଚ୍ଚାରେ ରହିଆସୁଛନ୍ତି । ବିଜେପିରେ ମଧ୍ୟ ଗୁରୁତ୍ୱ ଯଥେଷ୍ଟ ଅଧିକା ରହିବା ସହ ତାଙ୍କ ଲୋକପ୍ରିୟତା ମଧ୍ୟ ବେଶ ଅଧିକ ରହିଛି । କିନ୍ତୁ ଏବେ ସେ ଲୋକପ୍ରିୟତା ଧୀରେ ଧୀରେ କମୁଥିବାର ଦେଖିବାକୁ ମିଳୁଛି । କାହିଁକି ନା ସରକାରକୁ ଆସିବା ପରେ ଏବଂ ମନ୍ତ୍ରୀ ହେବା ପରେ ସୂଯ୍ୟବଂଶୀ ସୂରଜ ପଛଘୁଞ୍ଚା ଦେଉଥିବା ରାଜନୈତିକ ମହଲରେ ଚର୍ଚ୍ଚା ହେଉଛି । ତେବେ ଜଣେ ଯୁବ ନେତା ଭାବରେ ସୂଯ୍ୟବଂଶୀଙ୍କୁ ଉଚ୍ଚ ଶିକ୍ଷା ବିଭାଗ ଏବଂ ଖେଳ ବିଭାଗର ଦାୟିତ୍ୱ ଦିଆଯାଇଛି । କିନ୍ତୁ ସେ ନିଜ ଦାୟିତ୍ୱ ସୂଚାରୁ ରୂପେ ତୁଲାଉନଥିବା ସାଧାରଣରେ ଆଲୋଚନା ହେଉଛି । କାରଣ ଶିକ୍ଷାକୁ ନେଇ ଯେଉଁଭଳି ଚିତ୍ର ପ୍ରତ୍ୟେକ ଦିନ ସାମ୍ନାକୁ ଆସୁଛି ସେଥିରୁ ହିଁ ମନ୍ତ୍ରୀଙ୍କ ପାରିବା ପଣିଆକୁ ନେଇ ପ୍ରଶ୍ନ ଉଠୁଛି । କେଉଁଠି ପରୀକ୍ଷାରେ ଅନିୟମିତତା ଅଭିଯୋଗ ଆସୁଛ ତ ଆଉ କେଉଁଠି ଟଙ୍କା ନେଇ ଚାକିରୀ ଦିଆଯାଉଥିବା ଅଭିଯୋଗ ଆସୁଛି । ଏପରିକି ବାରମ୍ବାର ପ୍ରଶ୍ନପତ୍ର ଲିକ୍ ହେଉଥିବା ଅଭିଯୋଗ ଆଣୁଛନ୍ତି ଛାତ୍ରଛାତ୍ରୀ । କିନ୍ତୁ ଏସବୁ ଦେଖିବି ସୂଯ୍ୟବଂଶୀ ସମ୍ପୂଣ୍ଣ ଚୁପ୍ ବସିଛନ୍ତି । ନା ସେ ଛାତ୍ରଛାତ୍ରୀଙ୍କ ପାଖକୁ ଯାଉଛନ୍ତି ନା ତାଙ୍କ ସମସ୍ୟା ବୁଝୁଥିବାର ଦେଖିବାକୁ ମିଳୁଛିା ଏପରିକି ସେ ବାଇଟ୍ ଦେବାକୁ ଏବଂ ଗଣମାଧ୍ୟମ ସାମ୍ନାକୁ ଆସିବାକୁ ଡରୁଥିବା ରାଜନୈତିକ ବିଶେଷଜ୍ଞମାନେ ମତପ୍ରକାଶ କରୁଛନ୍ତି ।

ତେବେ କେବଳ ସୂଯ୍ୟବଂଶୀ ନୁହଁନ୍ତି ଅନ୍ୟ ମନ୍ତ୍ରୀମାନେ ମଧ୍ୟ ନିଜ ନିଜ ବିଭାଗ ଠିକସେ ତୁଲାଉନଥିବା ଅଭିଯୋଗ ଆସୁଛି । ସେ ଯୋଗାଣ ବିଭାଗ ହେଉ ବା ସ୍ୱାସ୍ଥ୍ୟ ବିଭାଗ ବା ଆଇନ ବିଭାଗ ସବୁଥିରେ ସାଧାରଣ ଜନତା ହନ୍ତସନ୍ତ ହେଉଛନ୍ତି । କିନ୍ତୁ ଏସବୁ ପ୍ରତି ଧ୍ୟାନ ନଦେଇ ଓଲଟା ବିଜେପି ବିଜେଡି ନେତାଙ୍କୁ ଟାଗେଟ କରୁଛନ୍ତି । ଯାହାକୁ ନେଇ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗୁଛି । ତେବେ ଦେଖାଯାଉ କେବେ ମନ୍ତ୍ରୀମାନେ ନିଜ ଦାୟିତ୍ୱ ଠିକସେ ତୁଲାଉଛନ୍ତି ଏବଂ ବିଜେପି ସରକାରରେ ରାଜ୍ୟର ସ୍ଥିତି କିପରି ରହୁଛି ତାହା ଦେଖିବାକୁ ଅପେକ୍ଷା ।