ହାରିଯିବେ କି ମନ୍ମଥ ଓ ବବି ?

ପାଖେଇ ଆସୁଛି ନିର୍ବାଚନ ସରଗରମ ରାଜ୍ୟ ରାଜନୀତି । ରାଜ୍ୟର ପ୍ରମୁଖ ଆଞ୍ଚଳିକ ଦଳ ବିଜୁ ଜନତା ଦଳରେ ସୃଷ୍ଟି ହେଲାଣି କମ୍ପନ । ଦୁଇ ନେତାଙ୍କୁ ନେଇ ବିଜେଡି ଶିବିରରେ ଏବେ ଭୟ ସୃଷ୍ଟି ହୋଇଛି । ଭରସା କରି ସିନା ଟିକେଟ ଦେଇଦେଲେ ହେଲେ ଏବେ ହାରିବାର ଭୟ ଘାରିଛି । ମନ୍ମଥ ରାଉତରାୟ, ବବିଦାସଙ୍କୁ ଭରସା କରି ଦଳ ଲୋକସଭାରୁ ଟିକେଟ ଦେଇଛି । କିନ୍ତୁ ଏବେ ବିଜେଡି ଶିବିରରେ ଛାନିଆ ପଶିଲାଣି । ବିଜେପିର ହେଭିୱେଟ ମାନଙ୍କୁ ଟକ୍କର ଦେବେ ଏହି ତିନି ବିଜେଡି ନେତା । ବର୍ତ୍ତମାନ ଭୁବନେଶ୍ୱରରେ ସାଂସଦ ଅପରାଜିତା ମ୍ୟାଡାମଙ୍କ ସାମନା କରିବେ ବିଜେଡିର ନବାଗତ ମନ୍ମଥ ରାଉତରାୟ ।

ଭୁବନେଶ୍ୱରରେ ବଢୁଛି ଅପରାଜିତାଙ୍କ କ୍ରେଜ। ପଦ୍ମ ମୁହାଁ ହେଉଛନ୍ତି ଅନେକ ଲୋକ । ଏଭଳି ପରିସ୍ଥିତିରେ ମନ୍ମଥଙ୍କ କୌଣସି ଫର୍ମୁଲା ହୁଏତ କାମ ନଦେଇପାରେ । ରାଜନୀତିରେ ବେଶ ଅଭିଜ୍ଞ ଅପରାଜିତା ମ୍ୟାଡାମ ନିଜର ଭୋଟ ହାତେଇବା ପାଇଁ କରୁଛନ୍ତି ଷ୍ଟାଟ୍ରେଜି । କିନ୍ତୁ ଆଗାମୀ ସାଧାରଣ ନିର୍ବାଚନରେ କଣ ହେବ ଭୁବନେଶ୍ୱରର ରାଜନୈତିକ ଗଣିତ ତାହାକୁ ନେଇ ଚିନ୍ତାରେ ବିଜେଡି ସୁପ୍ରିମୋ । ଅନ୍ୟପଟେ ସମ୍ୱଲପୁର ଲୋକସଭା ଆସନ କଥା ଯଦି ଦେଖିବା ଏଠାରେ ଦୁଇ ହେଭିୱେଟ ବିଜେପିରୁ ଧର୍ମେନ୍ଦ୍ର ପ୍ରଧାନ ଓ ବିଜେଡିରୁ ପ୍ରଣବ ପ୍ରକାଶ ଦାସ ମୁହାଁମୁହିଁ ହେଉଛନ୍ତି । ଯାଜପୁର ଛାଡି ବିଜେଡି ସମ୍ୱଲପୁରରୁ ବବିଙ୍କୁ ପ୍ରାର୍ଥୀ କରାଇଛି,କିନ୍ତୁ ଧର୍ମେନ୍ଦ୍ରଙ୍କ ମାଟିରେ ବବିଙ୍କର ହାରିବାର ଭୟ ମଧ୍ୟ ରହିଛି । ତେବେ ଦେଖିବାକୁ ବାକି ରହିଲା ଆଗାମୀ ସାଧାରଣ ନିର୍ବାଚନରେ କଣ ହେବ ପ୍ରଣବ ପ୍ରକାସ ଦାସ ଓ ମନ୍ମଥ ରାଉତରୟଙ୍କ ରାଜନୈତିକ ଭବିଷ୍ୟତ ।