ଆଉ ମାତ୍ର କିଛି ଦିନ ପରେ ଦିନିକିଆ କ୍ରିକେଟ ବିଶ୍ୱକପ ଆରମ୍ଭ ହୋଇଯିବ । ଏଥିପାଇଁ ବିଭିନ୍ନ ଟିମ ଭାରତରେ ପହଂଚି ସାରିଛନ୍ତି । ତେବେ ସବୁଠାରୁ ରୋଚକଭରା ଥିଲା ପାକିସ୍ତାନ ଦଳର ଆଗମନ । ପାକିସ୍ତାନ ଟିମ ହାଇଦ୍ରାବାଦରେ ପହଂଚିସାରିଛନ୍ତି । ପାକିସ୍ତାନୀ ଖେଳାଳିଙ୍କୁ ହାଇଦ୍ରାବାଦର ରାଜୀବ ଗାନ୍ଧି ବିମାନବନ୍ଦରରେ ଭବ୍ୟ ସ୍ୱାଗତ କରାଯାଇଥିଲା । ଏହା ସଜହ ଗେରୁଆ ଗାମୁା ଦେଇ ହୋଟଲକୁ ନିମନ୍ତ୍ରଣ କରାଗଲା । ପାକିସ୍ତାନ ଟିମକୁ ଦେଖିବାକୁ କ୍ରିକେଟ ଫ୍ୟାନ୍ସଙ୍କର ମଧ୍ୟ ପ୍ରବଳ ଭିଡ ଦେଖିବାକୁ ମିଳିଥିଲା । ସୂଚନାନୁସାରେ ବିଗତ ୭ବର୍ଷ ପରେ ପାକିସ୍ତାନ ଟିମ୍ କ୍ରିକେଟ୍ ଖେଳିବାକୁ ଭାରତକୁ ଆସିଛନ୍ତି । ଏହାପୂର୍ବରୁ ୨୦୧୨-୧୩ରେ ପାକିସ୍ତାନ ଟିମ୍ ଭାରତ ଗସ୍ତରେ ଆସି କ୍ରିକେଟ ଖେଳିଥିଲା । ଭାରତ ପାକିସ୍ତାନ ନିଜର ଦ୍ୱିତୀୟ ତଥା ୧୯୯୨ ଠାରୁ ପ୍ରଥମ ଦିନିକିଆ ବିଶ୍ୱକପ ପାଇଁ ଲଢେଇ କରିବ । ଏଥିପାଇଁ ପାକିସ୍ତାନୀ ଟିମର ୩୩ଜଣିଆ ସଦସ୍ୟ ଦୁବାଇ ଦେଇ ଭାରତରେ ଆସି ପହଂଚିଛନ୍ତି । ଦୁଇ ଦିନ ପୂର୍ବରୁ ଭାରତ ଗସ୍ତରେ ଆସିବାକୁ ପାକିସ୍ତାନ ଟିମକୁ ଭିସା ଦିଆଯାଇଥିଲା । ଏହା ସହ ହାଇଦ୍ରାବାଦରେ ପାକିସ୍ତାନୀ ଖେଳାଳି ମାନଙ୍କୁ ହାଇଦ୍ରାବାଦୀ ଚିକେନ ବିରିୟାନୀ ସହ ମଟନ ପରସା ଯାଇଛି । ତେବେ ପାକିସ୍ତାନ ସମେତ ବିଶ୍ୱକପ ଖେଳିବାକୁ ଆସିଥିବା କୌଣସି ବି ଦଳକୁ ବିଫ୍ ଖାଇବାକୁ ଦିଆଯିବନି । ପାକିସ୍ତାନ ଖେଳାଳିଙ୍କୁ ଡେଲି ପ୍ରୋଟିନ ସେବନରେ ଚିକେନ, ମଟମ, ମାଛ ପରସା ଯିବ । ଏହା ସହ ଗ୍ରୀଲ୍ଡ ଲ୍ୟାମ୍ପ ଚପ୍ସ, ମଟନ ତରକାରୀ , ବଟର ଚକେନ ଓ ଗ୍ରୀଲ୍ଡ ଫିସ ମଧ୍ୟ ସାମିଲ କରାଯାଇଛି । କାର୍ବୋହାଇଡ୍ରେଟ ପାଇଁ ପାକିସ୍ତାନ ଦଳକୁ ବଏଲ୍ଡ ରାଇସ, ବେଲୋଗନିଜ ସସ, ଶାକାହାରୀ ପଲଉ ଦିଆଯିବ । ବିଶ୍ୱକପର ଅସଲି ଲଢେଇ ପୂର୍ବରୁ ସେପ୍ଟେମ୍ବର ୨୯ରେ ପାକିସ୍ତାନ ନ୍ୟୁଜିଲାଣ୍ଡ ସହ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବ । ଏହାପରେ ଅକ୍ଟୋବର ୩ ତାରିଖରେ ହାଇଦ୍ରାବାଦରେ ଅଷ୍ଟ୍ରେଲିଆ ବିପକ୍ଷରେ ଦ୍ୱିତୀୟ ଅଭ୍ୟାସ ମ୍ୟାଚ ଖେଳିବ ପାକ ଟିମ୍ । ଏହାପରେ ବିଶ୍ୱକପରେ ପାକିସ୍ତାନ ଅକ୍ଟୋବର ୬ ତାରିଖରେ ନେଦରଲ୍ୟାଣ୍ଡ ସହ ଫାଇଟ କରିବ । ୧୦ ତାରିଖରେ ଶ୍ରୀଲଙ୍କାକୁ ଭେଟିବ ଦଳ । ଏହାପରେ ଅକ୍ଟୋବର ୧୪ରେ ଭାରତ ବିପକ୍ଷରେ ମ୍ୟାଚ୍ ଖେଳିବାକୁ ଟିମ୍ ଅହମଦାବାଦ ଯିବ । ତେବେ ଏହି ଭାରତ-ପାକିସ୍ତାନ ମ୍ୟାଚ ଦେଖିବାକୁ କିକ୍ରେଟ ଫ୍ୟାନ୍ସଙ୍କ ମନରେ ଉତ୍ସାହ ଭରି ରହିଛି ।
ରିର୍ପୋଟ- ଡିମ୍ପଲ ସ୍ୱାଇଁ