ଲରେନ୍ସ ବିଷ୍ଣୋଇର ଗଡ ଫାଦର କିଏ ?

କିଏ ସାଜିଛି କୁଖ୍ୟାତ ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇର ରକ୍ଷା କବଚ । ବାରମ୍ବାର ଏଭଳି ଭୟଙ୍କର କାଣ୍ଡ ଭିଏଇବାକୁ ଲରେନ୍ସକୁ କିଏ ଦଉଚି ସାହାସ । ହଁ ଆଜ୍ଞା, ଲରେନ୍ସ ବିଷ୍ଣୋଇ ଜଣେ କୁଖ୍ୟାତ ଗ୍ୟାଙ୍ଗଷ୍ଟାର । ବିଭିନ୍ନ ସ୍ଥାନରେ ବଡ ବଡ ଲୋକଙ୍କର ହତ୍ୟାକାଣ୍ଡ ପଛରେ ଏହି ଲରେନ୍ସ ବିଷ୍ଣୋଇ ଗ୍ୟାଙ୍ଗର ହାତ ରହିଥିବା ଅନେକ ପ୍ରମାଣ ରହିଛିି । ପଞ୍ଜାବର ଫେମସ୍ ସିଙ୍ଗର ସିଦ୍ଧୁ ମୁସେବାଲାଙ୍କ ମର୍ଡର ଠାରୁ ଆରମ୍ଭ କରି ମହାରାଷ୍ଟ୍ରର ଟାଣୁଆ ନେତା ଏନିସିପି ଲିଡର ବାବା ସିଦ୍ଦିକିଙ୍କ ମର୍ଡର ପଯ୍ୟନ୍ତ ସବୁ ଘଟଣାର ମାଷ୍ଟର ମାଇଣ୍ଡ ହେଉଛି ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ । ଏପରିକି ସାରା ଭାରତର ଲୋକପ୍ରିୟ ଅଭିନେତା ସଲମାନ ଖାନଙ୍କୁ ମଧ୍ୟ ଅନେକ ଥର ହତ୍ୟାଧମକ ଦେବା ପଛରେ ଏବଂ ତାଙ୍କ ଘର ବାହାରେ ଫାଙ୍କା ଗୁଳି ଚଳାଇବା ପଛରେ ଲରେନ୍ସ ବିଷ୍ଣୋଇ ଗ୍ୟାଙ୍ଗର ହାତ ରହିଛି । ତଥାପି ତା ବିରୁଦ୍ଧରେ ସେଭଳି କିଛି ବି ଦୃଢ କାଯ୍ୟାନୁଷ୍ଠାନ ନିଆଯାଉନାହିଁ । ସେ ଆରମ ସେ ଗୁଜୁରାଟର ସାବରମତୀ ଜେଲରେ ବସିଛି । ଏବଂ ଜେଲରୁ ହିଁ ଏହି ବିଶାଳ ର‌୍ୟାକେଟ ଚଳାଉଛି । କିନ୍ତୁ ସରକାର ତା ବିରୁଦ୍ଧରେ କିଛି ବି କରିପାରୁନାହାନ୍ତି । ଆଉ ଏଥିରୁ ହିଁ ଲରେନ୍ସ ବିଷ୍ଣୋଇ ପଛରେ କେହି ଗଡ ଫାଦର ଥିବା ଚର୍ଚ୍ଚା ହେଉଛି । ଅନ୍ୟପଟେ ଲରେନ୍ସ ବିଷ୍ଣୋଇର ଏଭଳି ସାହାସ ପାଇଁ ଗୃହ ମନ୍ତ୍ରଣାଳୟକୁ ମଧ୍ୟ ଦାୟି କରାଯାଉଛିା ଦେଶରେ ଆଇନ ବିଶୃଙ୍ଖଳା ଏତେ ମାତ୍ରାରେ ବଢିଗଲାଣି, ୱାଇ ପ୍ଲସ, ଜେଡ ପ୍ଲସ ସିକ୍ୟୁରିଟି ପରେ ବି ବିଷ୍ଣୋଇ ଗ୍ୟାଙ୍ଗ ଏତେ ବଡ ବଡ ନେତାଙ୍କୁ ମର୍ଡର କରୁଛି ତଥାପି ଗୃହ ବିଭାଗ ଚୁପ୍ ରହୁଛି ଏବଂ ଯିଏ ଏ ଘଟଣା ଘଟାଉଛି ସେ ଜେଲରୁ ମିଡିଆ ମାନଙ୍କୁ ବାଇଟ୍ ଦେଉଛି ତାକୁ ନେଇ ଲରେନ୍ସ ବିଷ୍ଣୋଇ ପଛରେ କେହି ଗଡ ଫାଦର ଥିବା ଆଶଙ୍କା କରାଯାଉଛି । ଖାଲି ସେତିକି ନୁହେଁ ଉଭୟ ଗୁଜୁରାଟ ଏବଂ ମହାରାଷ୍ଟ୍ରରେ ବିଜେପିର ସରକାର ରହିଛି । ଡବଲ ଇଞ୍ଜିନ ସରକାର ଚାଲିଛି । ତଥାପି ଆଇନ ଶୃଙ୍ଖଳାର ସ୍ଥିତି ଏପରି । କିନ୍ତୁ ଯଦି ପଶ୍ଚିମବଙ୍ଗ ଭଳି ରାଜ୍ୟରେ ଏଭଳି କିଛି ଘଟଣା ଘଟିଥାଆନ୍ତା ତେବେ ସେ ରାଜ୍ୟ ଉପରେ ଡବଲ ଇଞ୍ଜିନ ସରକାରଙ୍କ ବ୍ୟବହାର କିପରି ହୋଇଥାନ୍ତା ତାହା ତ ଆପଣ ମାନେ ଆକଳନ କରିପାରୁଥିବେ । କିନ୍ତୁ ଯେଉଁଠି ଡବଲ ଇଞ୍ଜିନ ସରକାର ଚାଲିଛି ସେଠାରେ ସରକାର ଏକଦମ୍ ଚୁପ୍ । ତେବେ ଦେଖାଯାଉ ଲରେନ୍ସ ବିଷ୍ଣୋଇକୁ ନେଇ ଆଗକୁ କେଉଁ ଅପଡେଟ୍ ଆସୁଛି ଏବଂ ସରକାର ଲରେନ୍ସ ବିଷ୍ଣୋଇ ବିରୁଦ୍ଧରେ କେଉଁ କାଯ୍ୟାନୁଷ୍ଠାନ ନେଉଛନ୍ତି ତାହା ଦେଖିବାକୁ ଅପେକ୍ଷା ।