ପ୍ରଥମାଷ୍ଟମୀ ପାଇଁ ମହାପ୍ରଭୁଙ୍କ ସ୍ୱତନ୍ତ୍ର ନୀତିକାନ୍ତି

ଆଜି ପ୍ରଥମାଷ୍ଟମୀ । ବଡଠାକୁର ହିସାବରେ ଶ୍ରୀମନ୍ଦିରରେ ପୋରୁହାଁ ହେବେ ପ୍ରଭୁ ଶ୍ରୀ ଜଗନ୍ନାଥ । ଶ୍ରୀ ମନ୍ଦିରରେ ଶ୍ରୀଜିଉଙ୍କ ପାଇଁ ସ୍ୱତନ୍ତ୍ର ନୀତିକାନ୍ତିର ବ୍ୟବସ୍ଥା କରାଯାଇଛି । ଶ୍ରୀଜିଉଙ୍କ ସକାଳ ଧୂପ ଓ ପ୍ରଥମ ଭୋଗ ମଣ୍ଡପ ବଢିବା ପରେ ମହାପ୍ରଭୁଙ୍କ ବେଶ ଅନୁଷ୍ଠିତ ହେବ । ବେଶରେ ନୂଆ ଲୁଗା ସହ ବିଭିନ୍ନ ଅଳଙ୍କାର ଲାଗି ଓ ସ୍ୱତନ୍ତ୍ର ବନ୍ଦାପନା ପରେ ମହାପ୍ରଭୁଙ୍କୁ ପୋଢୁଆଁ କରାଯିବ । ସେଥିପାଇଁ ତାଙ୍କ ମାମୁଘର ନିଆଳିର ମାଧବାନନ୍ଦଜୀଉ ମନ୍ଦିରରୁ ମହାପ୍ରଭୁଙ୍କ ପାଇଁ ନବ ବସ୍ତ୍ର ସହିତ ପୋଢୁଆଁ ଭାର ଆସିଛି ।