ଟି-୨୦ ସିରିଜରେ ଭାରତର ପରାଜୟ, ଦକ୍ଷିଣ ଆଫ୍ରିକାର ବିଜୟ

ଚାଲିଛି ଟି-୨୦ ମ୍ୟାଚ । ମଙ୍ଗଳବାର ଖେଳାଯାଇଥିବା ଏହି ମ୍ୟାଚରେ ଭାରତର ପରାଜୟ ହୋଇଛି । ଦକ୍ଷିଣ ଆଫ୍ରିକାର ବିଜୟ ହୋଇଛି । ଟିମ୍ ଇଣ୍ଡିଆକୁ ୫ ୱିକେଟରେ ପରାଜୟ କରିଛି ଘରୋଇ ଦଳ । ବର୍ଷା ହେବା ଫଳରେ ମ୍ୟାଚର ଟାର୍ଗେଟ ପରିବର୍ତ୍ତନ କରାଯାଇଥିଲା । ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ୧୮୦ ରନ୍ ସ୍କୋର କରିଥିଲା । ଏହାର ଜବାବରେ ଦକ୍ଷିଣ ଆଫ୍ରିକା ବର୍ଷା ହେତୁ ୧୫ ଓଭରରେ ୧୫୨ ରନ୍ ଥିଲା । ଦକ୍ଷିଣ ଆଫ୍ରିକା ମାତ୍ର ୧୪ ଓଭରରେ ଏହି ଲକ୍ଷ୍ୟ ହାସଲ କରିଛି । ଦକ୍ଷିଣ ଆଫ୍ରିକା ପାଇଁ ଅଧିନାୟକ ଆଡେନ ମାର୍କ୍ରାମ ୧୭ ବଲରେ ୩୦ ରନ୍ ଏବଂ ରିଜା ହେଣ୍ଡ୍ରିକ୍ସ ୨୯ ବଲରେ ୪୭ ରନ୍ ସଂଗ୍ରହ କରିଥିଲେ । ଉଭୟର ବିସ୍ଫୋରକ ଇନିଂସ ଯୋଗୁଁ ସାଉଥ ଆଫ୍ରିକା ଏକ ଜବରଦସ୍ତ ବ୍ୟାଟିଂ ଆରମ୍ଭ କରିଥିଲା । ଯାହା ଶେଷରେ ଦଳକୁ ବିଜୟ ଦେଇଛି । ଏହାସହ ଦକ୍ଷିଣ ଆଫ୍ରିକା ଏହି ୩ ମ୍ୟାଚ୍ ବିଶିଷ୍ଟ ସିରିଜରେ ୧-୦ରେ ଆଗୁଆ ହୋଇଛି । ସିରିଜର ପ୍ରଥମ ମ୍ୟାଚ୍ ବର୍ଷା ହେତୁ ଧୋଇ ହୋଇଯାଇଥିଲା । ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ୧୯.୩ ଓଭରରେ ୭ ୱିକେଟ୍ ହରାଇ ୧୮୦ ରନ୍ ସଂଗ୍ରହ କରିଥିଲା । ଏହା ପରେ ବର୍ଷା ହେତୁ ମ୍ୟାଚ୍ ବନ୍ଦ କରିବାକୁ ପଡିଥିଲା । ଭାରତ ପାଇଁ ଅଧିନାୟକ ସୂର‌୍ୟ୍ୟକୁମାର ଯାଦବ ୩୬ ବଲରେ ୫୬ ରନ କରିଥିଲେ, କିନ୍ତୁ ଦଳର ପ୍ରକୃତ ଷ୍ଟାର ରିଙ୍କୁ ସିଂ ୩୯ ବଲରେ ୬୮ ରନ ଖେଳି ବିସ୍ଫୋରକ ଇନିଂସ ଖେଳିଥିଲେ । ରିଙ୍କୁ ୯ଟି ଚୌକା ଓ ୨ଟି ଛକା ମାରିଥିଲେ । ଏହି ମ୍ୟାଚରେ ଦକ୍ଷିଣ ଆଫ୍ରିକାର ଅଧିନାୟକ ଆଡେନ ମାର୍କ୍ରାମ ଟସ୍ ଜିତି ବୋଲିଂ କରିବାକୁ ନିଷ୍ପତିି ନେଇଥିଲେ ।