By ରିଲିଜ ହେଲା ବଲିଉଡ କିଙ୍ଗଖାନଙ୍କ ବହୁ ପ୍ରତିକ୍ଷୀତ ଫିଲ୍ମ ‘ଡଙ୍କି’ । ଫିଲ୍ମଟି ରିିଲିଜ ହେଉ ହେଉ ଦର୍ଶକଙ୍କ ଖଚାଖଚ୍ ଭିଡ ଦେଖିବାକୁ ମିଳିଛି । ଶାହରୁଖଙ୍କ ଚଳିତ ବର୍ଷ ରିଲିଜ ହୋଇଥିବା ଫିଲ୍ମ ପଠାନ, ଯବାନ ଏବଂ ବର୍ଷ ଶେଷରେ ଡଙ୍କି ଫିଲ୍ମ ରିଲିଜ ହୋଇଛି । ଫାଷ୍ଟ ଡେ, ଫାଷ୍ଟ ସୋ ର ବମ୍ପର ଓପନିଂ ସହ ପରଦାକୁ ଓହ୍ଲାଇଛନ୍ତି ଶାହରୁଖ । ଫିଲ୍ମ ପଠାନ ଓ ଯବାନକୁ ଦର୍ଶକଙ୍କ ଭଲ ରେସପନ୍ସ ମିଳିଥିବା ବେଳେ ଡଙ୍କି ଉପରେ ରହିଛି ସମସ୍ତଙ୍କ ନଜର ।
ଭେଟେରାନ ଚଳଚ୍ଚିତ୍ର ନିର୍ମାତା ରାଜକୁମାର ହିରାନୀ ସିନେମାର ନିର୍ଦ୍ଦେଶନା ଦେଇଛନ୍ତି । ଥ୍ରୀ ଇଡିଅଟ୍ସ ଏବଂ ପିକେ ଭଳି ହିରାନୀଙ୍କ ଡଙ୍କି ବି ରେକର୍ଡ କରିବ ବୋଲି ଅନୁମାନ କରାଯାଉଛି। ସିନେମାରେ ଶାହରୁଖଙ୍କ ବ୍ୟତୀତ ତାପସୀ ପନ୍ନୁ, ବିକି କୌଶଲ ଏବଂ ବୋମାନ ଇରାନୀ ପ୍ରମୁଖ ଭୂମିକାରେ ଅଭିନୟ କରିଛନ୍ତି। ତାପସୀ ପନ୍ନୁ ପ୍ରଥମ କରି ଶାହାରୁଖଙ୍କ ସହ ସ୍କ୍ରିନ୍ ଶେଆର୍ କରିଛନ୍ତି।ତେବେ ଫିଲ୍ମ ଯବାନ ବର୍ତ୍ତମାନ ସୁଦ୍ଧା ସବାଧିକ ଆୟ କରିଥିବା ହିନ୍ଦୀ ଫିଲ୍ମ ଲିଷ୍ଟରେ ସାମିଲ ଅଛି । ଡଙ୍କିର ବକ୍ସ ଅଫିସ କଲେକ୍ସନ ମଧ୍ୟ କେତେ ରହିବ ତା ଉପରେ ସମସ୍ତଙ୍କ ନଜର ରହିଛି ।
