ଶିକ୍ଷା ବିଭାଗର ଅନିୟମିତତା ପରୀକ୍ଷା ଦେଇପାରିଲେନି ଛାତ୍ରୀ

ପରୀକ୍ଷା ଦେବାରୁ ବଞ୍ଚିତ ହେଲେ ମେଧାବୀ ଛାତ୍ରୀ । ଜବାହାର ନବୋଦୟ ପ୍ରବେଶିକା ପରୀକ୍ଷାରେ ବିଭ୍ରାଟ ହୋଇଛି । ଓଡିଆ ପରୀକ୍ଷାର୍ଥୀଙ୍କୁ ଦିଆଗଲା ତେଲୁଗୁ ପ୍ରଶ୍ନପତ୍ର । କେନ୍ଦୁଝର ଜିଲ୍ଲା ତେଲକାଇ ବ୍ଲକରୁ ଆସିଛି ଏପରି ସଙ୍ଗୀନ ଅଭିଯୋଗ । ଶିକ୍ଷା ବିଭାଗର ଏପରି ଦାୟିତ୍ୱହୀନତା ପାଇଁ ନବୋଦୟ ପ୍ରବେଶିକା ପରୀକ୍ଷା ଦେଇ ପାରିନାହାନ୍ତି ପଞ୍ଚମ ଶ୍ରେଣୀ ଛାତ୍ରୀ ପ୍ରିୟଙ୍କା ପ୍ରିୟଦର୍ଶିନୀ ଦାଶ । ସୂଚନା ଅନୁଯାୟୀ ପ୍ରିୟକାଙ୍କ ଆଡମିଟ କାର୍ଡରେ କାଟାଗୋରୀ ଜେନେରାଲ ବଦଳରେ ଓବିସି ଲେଖା ରହିଛି । ସେହିପରି ପରୀକ୍ଷା ଭାଷା ଓଡିଆ ବଦଳରେ ତେଲଗୁ ଲେଖା ରହିଛି । ତେଲକୋଇ ବ୍ଲକରେ ମୋଟ ୩୦୬ ଜଣ ପରୀକ୍ଷାର୍ଥୀ ୨ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଛନ୍ତି । କିନ୍ତୁ ପ୍ରିୟଙ୍କାଙ୍କ କ୍ଷେତ୍ରରେ ଏଭଳି ସମସ୍ୟା ଉପୁଜିଥିଲା ।